آڑو جلد کو صحت مند بنا کر اس کی رنگت نکھارتا ہے،کینسر اور جوڑوں کے درد سے بچاؤ میں مدد گار ہے ‘ حکماء

بدھ 21 مئی 2014 16:58

لاہور ( اُردو پوائنٹ تازہ ترین اخبار۔ 21مئی 2014ء) آڑو موسم گرما میں کثرت سے پیدا ہونے والا خشک سرد تاثیر کا حامل پھل ہے اس میں وٹامن اے اور پوٹاشیم سمیت کئی غذائی اجزا کی وافر مقدار موجود ہوتی ہے جبکہ دیگر اجزا میں وٹامن بی، رابو فلادین ، نیا سین ، وٹامن سی، کیلشیم، آئرن فاسفورس پروٹین اور کاربو ہائیڈریٹس بھی شامل ہیں،100گرام آڑو جسم کو 45کیلوریز مہیا کرتا ہے، اطبا کے مطابق آڑو جلد کو صحت مند بنا کر اس کی رنگت نکھارتا ہے، پیٹ کے کیڑوں سے نجات دلانے میں مفید پایا گیا ہے۔

اِن خیالات کا اظہار ماہرین طب پروفیسر حکیم محمد اعجاز فاروقی، پروفیسر حکیم جاوید رسول، حکیم محمد افضل میو، حکیم محمد احمد سلیمی ، حکیم سید عمران فیاض، حکیم عبدالرزاق ربانی نے پاکستان طبی کانفرنس لاہور ڈویژن کے زیر اہتمام آڑو کی افادیت کے حوالے سے منعقدہ مجلس مذاکرہ میں گفتگو کرتے ہوئے کیا۔

(جاری ہے)

حکماء نے کہا کہ وٹامن اے سے بھرپور ہونے کی وجہ سے کینسر سے بچاؤ میں بھی مدد دیتا ہے۔

یہ 80 فیصد سے زائد پانی اور ڈائٹری فائبرکی بھر پور مقدار کی وجہ سے وزن پر قابو پانے کے خواہشمند افراد کیلئے بھی بہترین خیال کئے جاتے ہیں۔ طبی ماہرین اسے قبض کشا پھل قرار دیتے ہیں جبکہ یہ جسم میں غدود اور رسولیوں کی پیداوار کو روکنے میں بھی معاون جوڑوں کے درد میں مبتلا افراد کثرت سے اس کا استعمال کرتے ہیں۔ جس سے ان کے جوڑوں کا درد بہت حد تک کم ہو جاتا ہے۔

Facebook Twitter Google + Share on Whatsapp

آڑو جلد کو صحت مند بنا کر اس کی رنگت نکھارتا ہے،کینسر اور جوڑوں کے درد سے بچاؤ میں مدد گار ہے ‘ حکماء

مزید قومی خبریں