پینے کے صاف پانی کی فراہمی کا میگاپراجیکٹ تیار کیا ہے، نئے مالی سال میں 5 ارب روپے مختص کئے گئے ہیں:شہبازشریف
عوام کو بیماریوں سے محفوظ رکھنے کیلئے آئندہ چار برس کے دوران پنجاب بھر میں صاف پانی کی فراہمی یقینی بنانے کا ہدف مقرر کیا ہے،صنعتوں کے آلودہ پانی کی ٹریٹمنٹ کیلئے جدید پلانٹس کی تنصیب انتہائی ضروری ہے، وزیراعلیٰ کی بین الاقوامی واٹر کمپنی کے صدر سے گفتگو
جمعرات 19 جون 2014 21:37
لاہور(اُردو پوائنٹ اخبار تازہ ترین۔19جون۔2014ء) وزیراعلیٰ پنجاب محمد شہباز شریف نے کہا ہے کہ پنجاب حکومت نے عوام کو پینے کے صاف پانی کی فراہمی کیلئے میگاپراجیکٹ تیار کیا ہے۔ نئے مالی سال کے بجٹ میں صاف پانی پراجیکٹ کیلئے 5 ارب روپے کی رقم مختص کی گئی ہے۔ عوام کو بیماریوں سے محفوظ رکھنے کیلئے پینے کے صاف پانی کی فراہمی نہایت ضروری ہے اور یہی وجہ ہے کہ آئندہ چار برس کے دوران پنجاب بھر میں صاف پانی کی فراہمی یقینی بنانے کا ہدف مقرر کیا گیاہے۔
وزیراعلیٰ محمد شہباز شریف نے ان خیالات کا اظہار پینے کے صاف پانی اور واٹر ٹریٹمنٹ سے متعلق بین الاقوامی کمپنی ”اینٹا“ (ENTA) کے صدر اوزی سیزر (Mr. Uzi Sezer) سے ملاقات کے دوران گفتگو کرتے ہوئے کیا۔ ملاقات میں پینے کے صاف پانی کی فراہمی کے منصوبے اور صنعتوں کے آلودہ پانی کی ٹریٹمنٹ کے حوالے سے اقدامات پر تبادلہ خیال کیا گیا۔(جاری ہے)
وزیراعلیٰ شہباز شریف نے اس موقع پر بات چیت کرتے ہوئے کہا کہ حکومت عوام کو پینے کے صاف پانی کی فراہمی کیلئے مربوط پروگرام پر مرحلہ وار عمل کر رہی ہے۔
پہلے مرحلے میں پنجاب کے مختلف علاقوں میں واٹر فلٹریشن پلانٹس لگائے جا رہے ہیں اور آئندہ چار برس تک ہر شہری تک پینے کی صاف پانی کی فراہمی یقینی بنائی جائے گی۔صنعتوں کے آلودہ پانی کی ٹریٹمنٹ کیلئے جدید پلانٹس کی تنصیب انتہائی ضروری ہے۔ ترکی کی واٹر ٹریٹمنٹ کے بارے میں بین الاقوامی کمپنی کی جانب سے پینے کے صاف پانی کی فراہمی اور انڈسٹریل ویسٹ واٹر کی ٹریٹمنٹ کیلئے تعاون کا خیرمقدم کریں گے۔ انہوں نے کہا کہ شہریوں کو پینے کا صاف پانی فراہم کرنا ریاست کی ذمہ داری ہے اور اس اہم مقصد کے حصول کے لئے صوبے کے ہر شہری کو آئندہ چار برس کے دوران پینے کے صاف پانی کی فراہمی یقینی بنانے کا ٹارگٹ مقرر کیاگیا ہے ۔ صاف پانی پراجیکٹ قومی نوعیت کا انتہائی اہمیت کا حامل منصوبہ ہے جس کا براہ راست تعلق عوام کی صحت سے جڑا ہوا ہے ۔ انہوں نے کہا کہ صنعتوں کے آلودہ پانی کی ٹریٹمنٹ کے حوالے سے بھی بین الاقوامی کمپنی تعاون کر سکتی ہے۔صوبائی وزیر ہاوٴسنگ تنویر اسلم ملک ،چےئرمین منصوبہ بندی و ترقیات،متعلقہ سیکرٹریز، ڈی جی ایل ڈی اے اور پنجاب صاف پانی کمپنی کے اعلیٰ حکام بھی اس موقع پر موجود تھے ۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.