اینٹی بائیوٹک ادویات کے بے اثر ہونے کے خطرے کا تدارک نہ کیا گیا تو دنیا جلد ہی طب کے تاریک دور میں واپس چلی جائیگی ,ڈیوڈ کیمرون

جمعرات 3 جولائی 2014 14:27

لندن (اُردو پوائنٹ تاز ترین اخبار۔ 3جولائی 2014ء) برطانیہ کے وزیراعظم ڈیوڈ کیمرون نے خبردار کیا ہے کہ اینٹی بائیوٹک ادویات کے بے اثر ہونے کے خطرے کا تدارک نہ کیا گیا تو دنیا جلد ہی’طب کے تاریک دور میں واپس چلی جائے گی۔ ایک انٹرویو میں ڈیوڈ کیمرون نے کہاکہ ہم اب اس معاملے میں کچھ نہیں کرتے تو ہمیں ایسے حالات کا سامنا ہو سکتا ہے جس کا ہم تصور بھی نہیں کرسکتے ہم ایک ایسے دور میں واپس جا سکتے ہیں جہاں اینٹی بایوٹکس کے خلاف مزاحمت اتنی بڑھ سکتی ہے کہ لوگ قابل علاج انفیکشن اور زخموں کی وجہ سے مر سکتے ہیں۔

وزیر اعظم نے بتایا کہ انھوں ایک جائزے کی منظوری بھی دی ہے جس کا مقصد یہ معلوم کرنا ہے کہ گذشتہ چند برسوں میں متعارف کرائی جانے والی جراثیم کش ادویات کی تعداد اس قدر کم کیوں رہی ہے۔

(جاری ہے)

ڈیوڈ کیمرون کا کہنا تھا کہ انھوں نے گذشتہ ماہ جی سیون ممالک کے سربراہی اجلاس کے موقعے اس مسئلے پر دوسرے رہنماوٴں سے بھی بات کی تھی جن میں سے امریکی صدر براک اوباما اور جرمن چانسلر انجیلامرکل نے انھیں مدد کا یقین دلایا۔

امید ہے ماہرین کے نئے جائزے کی رپورٹ اگلے برس تک تیار ہو جائے گی اور اسے جی سیون کے آئندہ برس اجلاس میں پیش کیا جائے گا۔وزیراعظم نے کہاکہ یہ اچھی بات ہے کہ برطانیہ اینٹی بایوٹکس کے سلسلے میں مرکزی کردار ادا کر رہا ہے کیونکہ یہ ایک ایسا مسئلہ ہے جس کا اگر کوئی حل نہ نکالا گیا تو ہمیں عالمی سطح پر صحت کے مسائل کا سامنا کرنا پڑ سکتا ہے۔انھوں نے کہا کہ نئے مجوزہ جائزے میں ماہرین تین اہم پہلووٴں پر تحقیق کریں گے

Facebook Twitter Google + Share on Whatsapp

اینٹی بائیوٹک ادویات کے بے اثر ہونے کے خطرے کا تدارک نہ کیا گیا تو دنیا جلد ہی طب کے تاریک دور میں واپس چلی جائیگی ,ڈیوڈ کیمرون

متعلقہ عنوان :

مزید بین الاقوامی خبریں