لاہورکے گنگارام اسپتال کی ایمرجنسی میں آتشزدگی، طبی عملہ مریضوں کو چھوڑکر بھاگ نکلا

اتوار 13 جولائی 2014 15:23

لاہورکے گنگارام اسپتال کی ایمرجنسی میں آتشزدگی، طبی عملہ مریضوں کو ..

لاہور(اُردو پوائنٹ اخبار تازہ ترین۔13جولائی۔2014ء) گنگا رام اسپتال کی ایمرجنسی وارڈ میں آگ لگنے سے وہاں موجود کئی خواتین مریضاؤں کی حالت خراب ہوگئی تاہم کسی بھی قسم کا جانی نقصان نہیں ہوا۔

(جاری ہے)

نجی ٹی وی کے مطابق گنگا رام اسپتال کی ایمرجنسی وارڈ کی پہلی منزل پر واقع گائنی وارڈ کے اے سی پلانٹ میں شارٹ سرکٹ کے باعث آگ بھڑک اٹھی جس نے دیکھتے ہی دیکھتے وارڈ کے دیگر حصے کو بھی اپنی لپیٹ میں لے لیا۔

آگ لگتے ہی وہاں موجود ڈاکٹرز اور دیگر طبی عملہ مریضوں کو چھوڑ کر نکل گیا جبکہ مریضوں کو ان کے لواحقین اپنی مدد آپ کے تحت وارڈ سے باہر نکال کر لائے۔ بعد ازاں انہیں اسپتال کی پرانی ایمرجنسی میں منتقل کردیا گیا۔ریسکیو اہلکاروں نے ڈیڑھ گھنٹے کی کارروائی کے بعد آگ پر قابو پالیا۔ آگ سے گائنی وارڈ کے کچھ حصے کو نقصان پہنچا ہے تاہم کسی بھی شخص کو نقصان نہیں پہنچا ہے۔

متعلقہ عنوان :