مون سون کا آغاز، کینٹ اورکنٹونمنٹ بورڈز کے تمام علاقوں میں اینٹی ڈینگی مہم تیز کر دی گئی
جمعرات 17 جولائی 2014 14:40
لاہور ( اُردو پوائنٹ تاز ترین اخبار۔ 17جولائی 2014ء) مون سون کے آغازکے پیش نظر کینٹ اورکنٹونمنٹ بورڈز کے تمام علاقوں میں اینٹی ڈینگی مہم تیز کر دی گئی ہے، لوگوں کوڈینگی سے محفوظ رکھنے اور حفاظتی تدابیر سے آگاہی کے لیے اقدامات اور مہم تیزی سے جاری ہے گزشتہ سال کی طرح اس بار بھی مربوط لائحہ عمل اور مشترکہ کوششوں سے ڈینگی کو شکست فاش دیں گے، انوائرنمنٹ انسپکٹرز سرویلنس سرگرمیوں میں ہرگز کوتاہی نہ کریں ، بصورت دیگر سخت کارروائی عمل میں لائی جائے گی۔
یہ بات آج اسسٹنٹ کمشنر کینٹ راؤ افتحار نے اپنے دفترمیں ٹاؤن ایمرجنسی ریسپانس کمیٹی برائے انسداد ڈینگی کے حوالے سے کئے جانے والے ہفتہ وار اقدامات کاجائزہ لینے کے لیے منعقدہ اجلاس کی صدارت کرتے ہوئے کہی ۔(جاری ہے)
ڈپٹی سیکرٹری ہائرایجوکیشن نعمان جمیل ،محکمہ تعلیم، صحت،کوآپریٹو،فشریز،ڈی ایچ اے کے نمائندوں،انٹامالوجسٹ،چیف سینٹری انسپکٹرز ،لاہور اور والٹن کنٹونمنٹ بورڈز کے انوائرمنٹ انسپکٹرز ودیگر متعلقہ اداروں کے افسران نے اجلاس میں شرکت کی۔
اجلاس کو بتایا گیا کہ لاروا سرویلنس مہم کے دوران مختلف مقامات کی چیکنگ کے دوران والٹن کنٹونمنٹ بورڈ کے علاقہ میں ایک نرسری اور ریسٹورنٹ جبکہ عادل ہسپتال کے سامنے زیر تعمیر شاپنگ مال سے لاروا برآمد ہونے پرمالکان کو نوٹسز جاری کرنے کے بعد وہاں مکمل کلین سوئپنگ اور سپرے کروایا گیاہے۔ اگر مالکان نے صفائی کی صورتحال کو بہترنہ بنایا تو ان کے خلاف ایف آئی آر درج کی جائے گی ۔ اجلاس میں انڈور اور آؤٹ ڈور ڈینگی لاروا سرویلنس اورلوگوں کو آگاہی فراہم کرنے کے حوالے سے تمام محکموں کی ہفتہ وار کارکردگی کا جائزہ لیا گیا۔ کینٹ ،ڈی ایچ اے ، لاہور کنٹوٹمنٹ بورڈ اور والٹن کنٹوٹمنٹ بورڈز کے علاقوں میں روزانہ کی بنیاد پر دو سو سے زائدگھروں کی چیکنگ کی جارہی ہے اور اینٹی ڈینگی ریگولیشنز پر عملدرآمد نہ کرنے والوں کے خلاف کارروائی عمل میں لائی جارہی ہے۔راؤ افتخار نے کہا کہ گزشتہ ہفتے مختلف مقامات پر کباڑخانوں، مساجد، قبرستانوں،ہوٹلوں،ریسٹورنٹس،ٹائرشاپس،ماربل فیکٹریوں، نرسریوں، پارکوں اور تالابوں میں لاروا کی موجودگی کے امکانات کو چیک کیا گیا جبکہ رسک والے ایریاز میں سپرے اور بھرپور صفائی کی سرگرمیاں عمل میں لائی گئیں۔ مختلف سکولوں،کالجوں میں ڈینگی سے بچاؤ بارے حفاظتی تدابیر کے لئے آگاہی واکس اور سیمینارز کا انعقادبھی عمل میں لایا گیا جبکہ ان سرگرمیوں میں لیڈی ہیلتھ ورکرز،سینٹری پٹرولنگ سٹاف سی ڈی سی سپروائرز،انوائرمنٹ انسپکٹرز اور دیگر اہلکاروں نے حصہ لیا۔ اے سی کینٹ نے کہا کہ باہمی رابطے مضبوط بنا کر بہترین ورکنگ ریلشن شپ کے ساتھ ہم ڈینگی کو گزشتہ سال کی طرح اس بار بھی سراٹھانے سے پہلے ہی شکست دینے میں کامیاب ہو جائیں گے۔تمام ادارے اس حوالے سے کوئی دقیقہ فروگذاشت نہ کریں۔متعلقہ عنوان :
مزید موسم کی خبریں
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.