مزاحیہ فنکار محمود خان طویل عرصے تک شوگر اور گردے کے عارضہ میں مبتلا رہنے کے بعد 54سال کی عمر میں انتقال کر گئے
جمعرات 24 جولائی 2014 16:30
لاہور ( اُردو پوائنٹ اخبار تازہ ترین۔24جولائی۔2014ء) اسٹیج کے معروف مزاحیہ فنکار محمود خان طویل عرصے تک شوگر اور گردے کے عارضہ میں مبتلا رہنے کے بعد 54سال کی عمر میں انتقال کر گئے ، ان کو نماز جنارہ کی ادائیگی کے بعد سبزہ زار کے شاہ فرید قبرستان میں سپرد خاک کر دیا گیا ، شوبز شخصیات نے مزاحیہ فنکار محمود خان کے انتقال پر گہرے رنج و غم کا اظہار کرتے ہوئے کہا ہے کہ ان کے انتقال سے مزاح کا ایک اور باب ہمیشہ کے لئے بند ہو گیا ۔
تفصیلات کے مطابق سینئر فنکار محمود خان طویل عرصے سے شوگر اور گردے کے عارضہ میں مبتلا تھے اور انہیں گزشتہ دنوں میو ہسپتال میں داخل کروایا گیا تھا ۔ دو روز قبل ان کی حالت مزید بگڑ گئی اور وہ جمعرات کی علی الصبح 54سال کی عمر میں خالق حقیقی سے جا ملے ۔(جاری ہے)
محمود خان نے 35سال تک مختلف کرداروں میں اداکاری کے جوہر دکھائے اور اپنے مخصوص انداز کے باعث شائقین کو خوب محظوظ کیا۔
کئی سالوں تک فن کی خدمت کرنے والے سینئر فنکار محمود خان نے اپنے آخری ایام انتہائی کسمپرسی کی حالت میں گزارے ۔ محمود خان کی نماز جنازہ سبزہ زار میں ادا کی گئی جس میں رکن قومی اسمبلی مہر اشتیاق ، معروف فنکار شاہد خان ، طاہر نوشاد ، محسن علی ، داؤد بٹ ، اظہر رنگیلا ، توحید اقبال ، آغا ماجد ، محمد عمر ، عثمان محمود ، حاجی احسن علی ، مظہر امین ،محمد الماس ، محمد سجاد ، محمد عمران ، محمد اعجاز ، سردار کمال ، خالد بٹ اور جواد وسیم سمیت ان کے اہل خانہ اور مختلف شعبہ زندگی سے تعلق رکھنے والی شخصیات نے شرکت کی ۔ نماز جنازہ کے بعد مرحوم کو سبزاہ زار کے شاہ فرید قبرستان میں سپرد خاک کر دیا گیا ۔ محمود خان کے انتقال پر سینئر فنکار علی اعجاز ، قوی خان ، سہیل احمد ، نسیم وکی ، امان اللہ ، مسعود اختر ، افتخار ٹھاکر ، سخاوت ناز ، ہنی البیلا ، سلیم البیلا ، مصطفی قریشی ، غلام محی الدین ، ندیم بیگ ، طارق ٹیڈی ، گلناز ، زارا اکبر ، پائل چوہدری ، صوبیہ خان، ثناء اور دیگر نے گہرے رنج و غم کا اظہار کرتے ہوئے کہا کہ محمود خان ایک منجھے ہوئے اور اپنے کام سے محبت کرنے والے فنکار تھے ، محمود خان اپنے مخصوص انداز کے ذریعے جس طرح پرستاروں کے چہروں پر خوشیاں بکھیرتے تھے یہ ہنر کم ہی فنکاروں کو آتا ہے ۔ ان کے انتقال سے مزاح کا ایک اور باب ہمیشہ کے لئے بند ہو گیا ، اللہ تعالیٰ مرحوم کو جنت الفردوس میں اعلیٰ مقام اور ان کے لواحقین کو صبر جمیل عطاء فرمائے ۔مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.