ایک تعلیم یافتہ اورصحت مند قوم ہی ترقی کر سکتی ہے‘قیوم راجہ
ہفتہ 2 اگست 2014 14:48
کھوئی رٹہ(اُردو پوائنٹ اخبار تازہ ترین۔2اگست۔2014ء) ہائی کورٹ میں ایک رٹ کے ذریعے کشمیر ٹیکسٹ بک بورڈ کا قیام عمل میں لانے والے حریت پسند رہنماء قیوم راجہ نے حکومت آزاد کشمیر سے مطالبہ کیا ہے کہ وہ اس انتہائی اہمیت کے حامل قومی ادارہ کو موثر بنانے کے لیے ضروری اقدامات کرے انہوں نے کہا کہ جب ابتدائی طور چار سال قبل حکومت آزاد کشمیر سے کشمیر ٹیکسٹ بک بورڈ کے قیام اور تاریخ کشمیر کو نصاب میں شامل کرنے کی درخواست کی گئی تو حیران کن طور پر حکومت نے یہ کہہ کر انکار کیا کہ اسکی ضرورت ہے نہ حکومت کے پاس اس کے لیے ماہرین اور وسائل ہیں قیوم راجہ نے بتایا کہ انہوں نے حکومت کے اس جواب کو مضحکہ خیز قرار دیتے ہوئے ہائی کورٹ میں رٹ دائر کر دی جسکی منظوری کے لیے سماعت اس وقت کے چیف جسٹس جناب سردار محمد نواز خان نے کی اور درخواست کی پیروی کوٹلی کے ایک وکیل مرزا طارق محمود جرال نے کی جس کے نتیجے میں اس وقت کے وزیر اعظم سردار عتیق احمد خان نے مجبورہو کر نوٹیفیکیشن جاری کیامگر اب مضحکہ خیز اخباری بیانات میں کشمیر ٹیکسٹ بک بورڈ کو کچھ لوگ اپنا کارنامہ قرار دے رہے ہیں لیکن پھر بھی ہم اس کے کریڈٹ کے پیچھے نہیں پڑنا چاہتے بلکہ حکومت سے مطالبہ کرتے ہیں کہ وہ اس ادارہ کو موثر بنائے قیوم راجہ نے کہا کہ تین سال قبل انہوں نے مظفرآباد میں تحقیق ونصاب کی ڈائریکٹر تنویر لطیف کے دفتر کا دورہ کر کے معلوم کیا کہ آیا کشمیر ٹیکسٹ بک بورڈ کے قیام کے بعد اس پر کتنا کام ہوا تو ڈائریکٹر نے انہیں بتایا کہ حکومت نے انہیں ایک کمرہ اور چند کرسیوں کے علاوہ کچھ نہیں دیا اب بھی یہ ادارہ شکایت کر رہا ہے کہ حکومت ادارہ کو موثر بناے کے لیے مالی تعاون نہیں کر رہی جس پر تبصرہ کرتے ہوئے قیوم راجہ نے کہا کہ تعلیم اور صحت حکومت کی پہلی دو ترجیحات ہونی چائیں کیونکہ ایک تعلیم یافتہ اورصحت مند قوم ہی ترقی کر سکتی ہے۔
متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.