برسات میں پیٹ کی بیماریوں کے ساتھ ساتھ جلدی امراض بھی زور پکڑ لیتے ہیں‘ اسرارالحق طور
بدھ 6 اگست 2014 20:22
لاہور ( اُردو پوائنٹ تازہ ترین اخبار۔6اگست 2014ء) جنرل ہسپتال کے ایسوسی ایٹ پروفیسر ڈاکٹر اسرارالحق طور نے کہا کہ موسم برسات میں پیٹ کی بیماریوں کے ساتھ ساتھ بہت سے جلدی امراض بھی زور پکڑ لیتے ہیں۔ لہٰذا عوام کو اس سلسلے میں خصوصی احتیاطی تدابیر اختیار کرنی چاہیے اور چھوٹے بچوں پر زیادہ توجہ دینے کی ضرورت ہے۔ ذرائع ابلاغ کے نمائندوں سے گفتگو کرتے ہوئے ڈاکٹر اسرار طور نے بتایا کہ گرمیوں میں بجلی کی بندش کے دوران فریج میں پڑا کھانا جراثیموں سے آلودہ ہونے کے امکانات بڑھ جاتے ہیں اور ذائقہ بدل جاتا ہے جس سے ڈائریا ہونے کے ساتھ ساتھ نمکیات کی کمی، گردوں پر اثر ہونا اور غنودگی طاری ہونا شامل ہے۔
انہوں نے کہاکہ پیٹ میں پیدا ہونے والے امراض سے بچنے کے لیے متوازن غذا ، کھانے پینے میں احتیاط اور کٹے پھٹے پھل سے اجتناب برتا جائے۔(جاری ہے)
ڈاکٹر اسرار طور نے کہاکہ بارش میں نکاسی آب کے مسائل کی وجہ سے گندا پانی صاف پانی میں مل جانے کے امکانات بڑھ جاتے ہیں۔ لہٰذا ضروری ہے کہ پانی ابال کر استعمال کیا جائے اور پرہیز علاج سے بہتر ہے کہ اصول کو اپنایا جائے۔
موسم برسات میں جمع شدہ بارش کے پانی میں نہانے سے جلدی امراض پیدا ہوتے ہیں لہٰذا والدین کو چاہیے کہ وہ بچوں کو جوہڑ، تالاب اور پارکوں میں جمع ہونے والے پانی میں مت نہانے دیں۔ انہوں نے کہاکہ اس موسم میں پھوڑے، پھنسی اور خارش وغیرہ عام دیکھنے میں آتی ہیں جس کے لیے ضروری ہے کہ ہمیشہ صاف ستھرا رہا جائے اور پانی میں نہاتے وقت ڈیٹول اور دیگر جراثیم کش ادویات کا استعمال کیا جائے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.