ضلع میں پولیو جیسے موذی مرض کے مکمل خاتمے کے لیے 18 اگست 2014 ء سے سہ روزہ انسداد پولیو مہم کا آغاز کیا جارہا ہے،ڈپٹی کمشنر ٹھٹھہ
جمعہ 8 اگست 2014 19:51
ٹھٹھہ(اُردو پوائنٹ تازہ ترین اخبار۔8اگست 2014ء) ڈپٹی کمشنر ٹھٹھہ آغا شاہ نواز بابر نے کہا ہے کہ ضلع میں پولیو جیسے موذی مرض کے مکمل خاتمے کے لیے 18 اگست 2014 ء سے سہ روزہ انسداد پولیو مہم کا آغاز کیا جارہا ہے انہوں نے محکمہ صحت ودیگر متعلقہ محکموں کے افسران کو ہدایت کی ہے کہ پولیو کے خاتمے کے لیے جنگی بنیادوں پر سنجیدگی سے اقدامات کریں تاکہ ضلع ٹھٹھہ کے بچوں کو خطرناک بیماری سے محفوظ کیا جاسکے، ان خیالات کا اظہار انہوں نے دربار ہال مکلی میں 18 اگست 2014 ء سے شروع ہونے والی سہ روزہ انسداد پولیو مہم کے سلسلے میں کئے گئے انتظامات کا جائزہ لینے کے متعلق اجلاس کی صدارت کرتے ہوئے کیا، انہوں نے اجلاس میں تمام متعلقہ افسران کو ہدایت کی کہ وہ عوام میں پولیو جیسے موذی مرض کے متعلق شعور بیدار کریں انہوں نے سول سوسائٹی اور سماجی تنظیموں کے نمائندوں کو بھی کہا کہ ضلع بھر میں پولیو کے یقینی خاتمے کے لیے ضلعی انتظامیہ سے تعاون کریں، ڈپٹی کمشنرنے ضلع کے تمام اسسٹنٹ کمشنرز کو بھی ہدایت کی وہ محکمہ صحت اور دیگر متعلقہ محکموں کے افسران سے مل کر پولیو کے خاتمے کے لیے ضلع کے تمام علاقوں کے عوام میں شعور بیدار کر نے کے لیے مساجدمیں اعلانات کروانے سمیت سرکاری ونجی اسکولز کے اساتذہ اور بچوں میں آگہی مہم چلائیں، ڈپٹی کمشنر نے اجلاس میں خطاب کرتے ہوئے کہا کہ ضلعی انتظامیہ کی جانب سے انسداد پولیو مہم کے لیے تمام انتظامات مکمل کئے گئے ہیں جس کے تحت ضلع کی 30 یوسیز میں363 موبائل پولیو ٹیموں سمیت کل 441 ٹیمو ں کی مدد سے پیدائش تا 5 سال تک عمر کے بچوں کو پولیو سے بچاوٴ کے قطرے پلائیں جائیں گے، اس موقع پر ایڈیشنل ڈپٹی کمشنر ون ٹھٹھہ ون عابد سلیم قریشی نے بھی تمام محکموں کے افسران کو پولیو مہم کے دوران پیش آنے والے مسائل سنے اور ان کے مکمل حل کے لیے یقین دلایا، انہوں نے سہ روزہ انسداد پولیو مہم کو کامیاب بنانے کے لیے ضلع کے عوام بالخصوص والدین پر بھی زور دیا کہ وہ اپنے علاقوں میں پولیو ٹیموں سے بھرپور تعاون کریں، انہوں نے محکمہ پولیس کے افسران کو بھی ہدایت دی کہ وہ ٹرانزاسٹ پوائنس پر بسوں، ویگنوں اور دیگر مسافرگاڑیوں کو روک کر بچوں کو پولیو سے بچاوٴ کے قطرے پلانے میں پولیو ٹیموں کے ساتھ تعاون کریں، تاکہ اس موذی مرض سے ضلع بھر کے تمام بچوں کو بچایا جاسکے، قبل ازیں ڈی ایچ او ڈاکٹر ظہور احمد میمن نے اجلاس کو پولیو مہم کے بارے میں بتاتے ہوئے کہا کہ پولیو مہم کو کامیاب بنانے کے لیے محکمہ صحت کی جانب سے پہلے سے ہی جامع حکمت عملی تشکیل دی گئی ہے، جس کے تحت پانچ سال تک عمر کے 171914 بچوں کو پولیو کے قطرے پلائے جائیں گے جس میں 5 تعلقہ اور 30 یوسیز فوکل پر سنز 42 فکسڈ ٹیمیں اور دیگر متعلقہ افسرانم کو ٹیمیں شریک ہوں گی اجلاس میں اسسٹنٹ کمشنر ٹھٹہ مختیاروں ودیگر متعلقہ افسران ، پی پی ایچ آئی، عالمی ادارہ صحت ویگر مختلف سماجی تنظیموں کے نمائندوں نے بھی شرکت کی۔
#متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.