سعودی عرب میں پچھلے چار سال کی مدت کے دوران 13 ارب ریال کی مالیت کی سگریٹ اور تمباکو کی مصنوعات درآمد
منگل 12 اگست 2014 19:25
ریاض(اُردو پوائنٹ تازہ ترین اخبار۔ 12اگست 2014ء) مقامی میڈیا نے حالیہ اعدادوشمار کے حوالے سے بتایا ہے کہ سعودی عرب میں پچھلے چار سال کی مدت کے دوران 13 ارب ریال کی مالیت کی سگریٹ اور تمباکو کی مصنوعات درآمد کی گئیں۔سعودی روزنامے عرب نیوز کی ایک رپورٹ نے بتایا کہ سعودی عرب میں تمباکو کی درآمد کی مالیت میں پچھلے چار سالوں کے دوران مسلسل اضافہ ہوا ہے۔
2010ء کے دوران اس کی مالیت 2.6 ارب سعودی ریال تھی، 2011ء میں تین ارب ریال، 2012ء میں 3.5 ارب ریال اور 2013ء میں یہ 3.8 سعودی ریال تک جاپہنچی۔سعودی عرب میں 2013ء کے دوران درآمد کی جانے والی تمباکو کی مصنوعات کا ایک بڑا حصہ یعنی 91 فیصد تین ملکوں سے منگایا گیا، جن میں جرمنی، سوئٹزرلینڈ اور ترکی شامل ہیں، اس درآمد کی مالیت 3.2 ارب سعودی ریال تھی۔(جاری ہے)
رپورٹ کا کہنا ہے کہ اس میں 57 فیصد حصہ جرمنی سے درآمد کیے جانے والے سگار کا تھا، جس کی مالیت دو ارب سعودی ریال تھی۔
اس کے بعد سوئٹزرلینڈ کا نمبر رہا، جسے کل درآمدات کا سترہ فیصد میسر آیا، جس کی مالیت ساٹھ کروڑ تیس لاکھ ریال تھی۔جبکہ ترکی سے درآمد کی گئی تمباکو کی مصنوعات کی مالیت 59 کروڑ نوّے لاکھ سعودی ریال رہی۔کل درآمدات میں ترکی کا حصہ بھی سترہ فیصد تھا۔جنوبی افریقہ دس کروڑ چالیس لاکھ ریال کی مالیت کے ساتھ سعودی عرب کو تمباکو برآمد کرنے والا چوتھا سب سے بڑا برآمد کنندہ ہے۔
اس کے بعد بھارت (سات کروڑ تیس لاکھ ریال کی مالیت کے ساتھ)، چیک ری پبلک (پانچ کروڑ نوّے لاکھ ریال)، فرانس (چار کروڑ تین لاکھ ریال)، انڈونیشیا (ایک کروڑ ستّرلاکھ ریال)، پولینڈ (ایک کروڑ چالیس لاکھ ریال)، فلپائن (ایک کروڑ تیس لاکھ ریال) مصر (اسّی لاکھ ریال)، یمن (ساٹھ لاکھ ریال)، لیسوتھو (تیس لاکھ ریال)، پاکستان (ستائیس لاکھ ریال) اور اٹلی (بیس لاکھ ریال)۔ جبکہ دیگر ممالک سے سعودی عرب درآمد ہونے والی تمباکو کی مصنوعات کی مالیت سترہ لاکھ سعودی ریال بنتی ہے۔سگریٹ کے علاوہ سعودی عرب میں تمباکو کی دیگر اقسام بھی درآمد کی جاتی ہیں، جیسے کہ شہد سے بھرا تمباکو، جس کی درآمد کا تخمینہ نو کروڑ تیس لاکھ سعودی ریال لگایا گیا ہے، ’جرک ‘ دو کروڑ اسّی لاکھ ریال کی مالیت کا، مینوفیکچرڈ تمباکو ایک کروڑ ساٹھ لاکھ ریال اور دو کروڑ چالیس لاکھ سعودی ریال کی مالیت کے دیگر اقسام کے تمباکو منگوائے جاتے ہیں۔مزید بین الاقوامی خبریں
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
-
فلسطین کی اقوام متحدہ کی رکنیت، امریکا نے درخواست ویٹو کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.