وزیراعلیٰ شہبازشریف سے بیجنگ میں سرمایہ کاروں کی ملاقات، انرجی، انفراسٹرکچر اور صحت کے شعبے میں سرمایہ کاری پر آمادگی
چینی صدر ستمبر کے وسط میں پاکستان کے دورے پر آرہے ہیں دورہ پاکستان کیلئے غیر معمولی اہمیت رکھتاہے‘ شہبازشریف، چینی صدر چین کے تعاون سے بجلی اور انفراسٹرکچر کے جاری منصوبوں کا معائنہ کرنے کے علاوہ نئے منصوبوں کا سنگ بنیاد بھی رکھیں گے احتجاجی دھرنوں سے ترقیاتی منصوبوں کو غیر معمولی نقصان پہنچا ہے، راولپنڈی ،اسلام آباد میٹروبس منصوبے کو تاخیر کا سامنا کرنا پڑ رہاہے چین پاکستان کا دوست ہے ، اورنج لائن میٹرو ٹرین کے منصوبے پر کام تیزی سے جاری ہے ،جلد کنٹریکٹر ز کا ا نتخاب کر لیا جائیگا، وزیراعلیٰ پنجاب کا پاک چین جوائنٹ کوآرڈنیشن کمیٹی کے اجلاس سے خطاب ،چینی حکام و سرمایہ کار کمپنیوں کے سربراہان سے ملاقاتیں خنجراب ، گوادرموٹروے کی تعمیر خطے میں وسیع تر اقتصادی تعاون کاپیش خیمہ ثابت ہوگی ‘ وفاقی وزیر پلاننگ اینڈ ڈویلپمنٹ احسن اقبال ، گوادر پورٹ کی تعمیر و ترقی کیلئے کام تیزی سے جاری ہے ،اراضی کے حصول کاعمل مکمل ہو چکا،عبدالمالک بلوچ وزیراعلی بلوچستان
بدھ 27 اگست 2014 19:44
لاہور ( اُردو پوائنٹ اخبار تازہ ترین۔27اگست۔2014ء) وزیراعلیٰ پنجاب محمد شہبازشریف نے کہا ہے کہ چین کے صدر ژی جن پنگ ستمبر کے وسط میں پاکستان کے دورے پر آرہے ہیں ،چینی صدر کا یہ دورہ پاکستان کے لئے غیر معمولی اہمیت رکھتاہے او رپوری پاکستانی قوم ان کے استقبال کے لئے تیار ہے۔وہ بدھ کے روز بیجنگ میں پاک چین جوائنٹ کوآرڈینیشن کمیٹی کے تیسرے اجلاس کے بعد پی ٹی وی کے نمائندے سے گفتگو کر رہے تھے۔
وزیراعلیٰ محمد شہبازشریف نے کہاکہ اپنے دورے کے دوران چینی صدر پاکستان میں چین کے تعاون سے بجلی اور انفراسٹرکچر کے جاری منصوبوں کا معائنہ کرنے کے علاوہ نئے منصوبوں کا سنگ بنیاد بھی رکھیں گے ۔انہوں نے کہاکہ حزب اقتدار اور حزب اختلاف سے قطع نظر پوری پاکستانی قوم چینی صدر کے استقبال کیلئے چشم براہ ہے۔(جاری ہے)
ایک سوال کے جواب میں وزیراعلیٰ نے کہاکہ احتجاجی دھرنوں سے ترقیاتی منصوبوں کو غیر معمولی نقصان پہنچا ہے اور راولپنڈی اسلام آباد میٹروبس منصوبے کو تاخیر کا سامنا کرنا پڑ رہاہے ۔
پیشترازیں پاک چین جوائنٹ کوآرڈینیشن کمیٹی کے تیسرے اجلاس سے خطاب کرتے ہوئے وزیراعلیٰ نے بتایاکہ اورنج لائن میٹرو ٹرین کے منصوبے پر تیزی سے کام جاری ہے او ربہت جلد اس کے کنٹریکٹرز کا ا نتخاب کر لیا جائے گا۔ وفاقی وزیر پلاننگ احسن اقبال نے اجلاس سے خطاب کرتے ہوئے کہاکہ خنجراب ، گوادرموٹروے کی تعمیر خطے میں وسیع تر اقتصادی تعاون کاپیش خیمہ ثابت ہوگی ۔ انہوں نے کہاکہ وزیراعظم محمد نوازشریف کی قیادت میں پاک چین دوستی کی نئی تاریخ رقم کی جا رہی ہے ۔وفاقی وزیر احسن اقبال نے اجلاس کو اکنامک کوریڈور کے منصوبے کے ضمن میں ہونے والی پیشرفت کی تفصیلات سے آگا ہ کیا ۔وزیر اعلیٰ بلوچستان ڈاکٹر عبدالمالک بلوچ نے اس موقع پر بتایاکہ گوادر پورٹ کی تعمیر و ترقی کے لئے تیزی سے کام جاری ہے اور ا س ضمن میں اراضی کے حصول کاعمل مکمل ہو چکاہے ۔انہوں نے کہاکہ صوبے میں گزشتہ بر س کے دوران امن عامہ کی صورتحال میں بھی بہتری آئی ہے اور آنے والا دور بلوچستان کی تعمیر و ترقی کا دور ہوگا ۔دریں اثناء وزیراعلیٰ محمد شہبازشریف نے بیجنگ میں چینی حکام اور سرمایہ کار کمپنیوں کے سربراہان سے ملاقات کے دوران گفتگو کرتے ہوئے کہاکہ پاکستان میں بڑے پیمانے پر چینی سرمایہ کاری چین کا پاکستان پر بھرپور اعتماد کا مظہرہے۔ چین نے پاکستان کو تاریخ کا سب سے بڑا ترقیاتی پیکیج دے کر دوستی کا حق نبھایا ہے اور پاکستان میں چین کے سرمایہ کار اور مختلف کمپنیاں متعدد شعبوں میں سرمایہ کاری کر رہی ہیں۔ پاکستان کے مختلف شعبوں کی ترقی میں چین کا تعاون لائق تحسین ہے۔ انہوں نے کہا کہ چین کے اشتراک سے اکنامک کوریڈور کا منصوبہ بھی انتہائی اہمیت کا حامل ہے۔ منصوبے کی تکمیل سے پاکستان معاشی طو رپر مضبوط ہوگا اور ملک میں تجارتی، معاشی و صنعتی سرگرمیاں بڑھیں گی جس سے غربت اور بیروزگاری کے مسئلے پر قابو پانے میں مدد ملے گی۔ انہوں نے کہا کہ معاشی لحاظ سے انتہائی اہمیت کے حامل اکنامک کوریڈور کے منصوبے پر مطلوبہ رفتار سے عملدرآمد یقینی بنانے کی کوشش کر رہے ہیں۔ پاکستان خصوصاً پنجاب میں چینی سرمایہ کاروں کیلئے انتہائی سازگار ماحول فراہم کیا گیا ہے۔ اس موقع پر انرجی، انفراسٹرکچر اور صحت کے شعبے میں چین کی طرف سے مزید سرمایہ کاری پر آمادگی کا اظہار کیا گیا۔متعلقہ عنوان :
مزید اہم خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت
-
’’مجھے بھی مبارک باد، یہ میری بھی بیٹیاں ہیں‘‘،مریم نوازشریف
-
اوگرانے تیل کی قیمتیں ڈی ریگولیٹ کرنے کی تردید کر دی
-
چیف جسٹس قاضی فائز عیسی نے پروٹوکول واپس کردیا
-
سپریم کورٹ نے برطرفی کیخلاف حیدرآباد ڈیولپمنٹ اتھارٹی کے ملازمین کی درخواست مسترد کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.