”میک اے ڈریم“کے زیر اہتمام پی آئی سی میں زیر علاج بچوں میں گفٹس تقسیم کرنے کی تقریب کا انعقاد

لاہور(اُردو پوائنٹ اخبار تازہ ترین۔28اگست۔2014ء) ”اخوت“ کے پراجیکٹ ”میک اے ڈریم“ کے زیر اہتمام پنجاب انسٹیٹیوٹ آف کارڈیالوجی کے(عرفان بلاک) میں زیر علاج لا علاج بچوں میں گفٹس تقسیم کرنے کی رنگا رنگ تقریب منعقد کی گئی اور دل کے عارضہ میں مبتلا بچوں کے ساتھ وقت گزارا گیا۔اس موقع پر ڈاکٹر عصمت لغاری‘روبی دانیال عظمیٰ بھٹی اور دیگر بھی موجود تھے ۔

(جاری ہے)

واضح رہے کہ میک اے ڈریم (Make A Dream)ان بچوں سے جو شدید نوعیت کے امراض میں مبتلا ہیں اور ڈاکٹر انہیں لا علاج قرار دے چکے ہیں سے کوئی ایک خواہش پوچھتے ہیں اور پھر اس خواہش کو فوری طور پر پورا بھی کرتے ہیں۔اس موقع پر گفتگو کرتے ہوئے ڈاکٹر عصمت لغاری نے کہا کہ بیمار بچوں کے ساتھ خوشی کے لمحات گزارنا بھی کسی ثواب سے کم نہیں۔انہوں نے کہاکہ اس سے بڑی نیکی اور کیا ہو سکتی ہے کہ ان بچوں کی دلجوئی کی جائے اور انہیں امید دلائی جائے کہ وہ نہ صرف تندرست ہو جائیں گے بلکہ معاشرے میں فعال کردار ادا کریں گے۔ ہمیں چاہئیے کہ انسانیت کی خدمت میں پیش پیش رہیں اور نیکی کی امید پر ایک اجتمائی معاشرے کی بنیاد رکھیں۔