مولا بخش ہسپتال میں دو خواتین کی موت خون زیادہ بہہ جانے کی وجہ سے دوران آپریشن ہوئے ہیں،ایم ایس مولابخش ہسپتال سرگودھا

بدھ 3 ستمبر 2014 20:32

سرگودھا (اُردو پوائنٹ تازہ ترین اخبار۔3ستمبر 2014ء) ایم ایس مولابخش ہسپتال سرگودہا کیپٹن ریٹائرڈ احمد نعیم شیخ نے ایک اخبار میں چھپنے والی خبر کی وضاحت کرتے ہوئے بتایاکہ مولا بخش ہسپتال میں دو خواتین کی موت خون زیادہ بہہ جانے کی وجہ سے دوران آپریشن ہوئے ہیں۔ جو پہلے سے ہی گھر پر غیر تربیت یافتہ دائیوں کی وجہ سے تشویش ناک حالت میں ہسپتال لائی گئی تھیں۔

(جاری ہے)

مزید براں انہوں نے بتایا ہے کہ اس سال ماہ مار چ سے اب تک ہسپتال کی کارکردگی میں غیر معمولی اضافہ ہواہے ۔ سال 2014 کے دوران اب تک او پی ڈی میں 17447 مریضوں کا معائنہ کیاگیا جبکہ 1057 مریضوں کے ہسپتال میں آپریشن کرنے کے علاوہ 2876 مریض مختلف وارڈ میں داخل کروائے گئے ہیں ۔ ان کا مزید کہنا تھا کہ ہسپتال میں تمام ٹیسٹ مفت کئے جاتے ہیں جبکہ ہسپتال سے ملحقہ نجی لیبارٹریوں کی لوٹ مار کا سخت نوٹس لیتے ہوئے ان کے خلاف کاروائی عمل میں لائی جار ہی ہے ۔

Facebook Twitter Google + Share on Whatsapp

مولا بخش ہسپتال میں دو خواتین کی موت خون زیادہ بہہ جانے کی وجہ سے دوران آپریشن ہوئے ہیں،ایم ایس مولابخش ہسپتال سرگودھا

مزید مقامی خبریں