ڈینگی کے خاتمے کیلئے ہر شہری کو بھرپور کردار ادا کرنا چاہیے ،ڈی سی او راولپنڈی ساجد ظفر ڈال
منگل 9 ستمبر 2014 18:15
راولپنڈی (اُردو پوائنٹ اخبار تازہ ترین۔9ستمبر 2014ء) ڈی سی او راولپنڈی ساجد ظفر ڈال نے کہا ہے کہ ڈینگی کے خاتمے کے لیئے ہر شہری کو بھرپور کردار ادا کرنا چاہیے او راپنے گھروں اور ارد گرد کے ماحول کو صاف اور خشک رکھا جائے ․ انہو ں نے کہا کہ حالیہ بارشوں کی وجہ سے انسداد ڈینگی مہم کو مزید تیز کر دیا گیا ہے ․ کیونکہ سازگار درجہ حرارت کی وجہ سے ڈینگی لاروا کی افزائش کا خطرہ بڑھ گیا ہے ․ انہو ں نے کہا کہ نگرانی کے دوران سب سے زیادہ ڈینگی لاروا گھروں کی چھتوں پر موجود پانی کی ٹینکیوں اور روم کرلرز میں سے مل رہا ہے ․ لہذا ہر شہری کا فرض ہے کہ اپنے گھروں اور ارد گرد کے ماحول کی صفائی کے ساتھ ساتھ پانی کی ٹینکیوں اور پانی کے ذخیرہ کے برتنوں کو مکمل طورپر ڈھانپ کر رکھا جائے ․ان خیالات کا اظہارانہو ں نے ڈیس ی او آفس راولپنڈی میں انسداد ڈینگی اقدامات کا جائزہ لینے کے لیئے منعقدہ اجلاس کی صدارت کرتے ہوئے کیا ․ اس موقع پر اے ڈی سی جی عمران قریشی کے علاوہ محکمہ صحت, زراعت, ماحولیات , فشریز , لائیو سٹاک , تعلیم, سوشل ویلفیئر ,سول ڈیفنس اور دیگر محکموں کے ضلعی افسران , ڈائریکٹر کالجز اور اے سی کینٹ اور دیگر متعلقہ حکام بھی موجود تھے ․ڈی سی او ساجد ظفر ڈال نے کہا کہ ڈینگی کے خاتمے میں ہر شہری کو اپنا کردار ادا کرنا ہو گا اور شہریوں کے بھرپور تعاون اور متعلقہ سرکاری محکمو ں کی بھرپور کوششوں ہی سے اس وباء کا مقابلہ کیا جا سکتا ہے ․ انہو ں نے کہا کہ ضلع راولپنڈی میں موجود جوہڑوں اور حالیہ بارشوں کی وجہ سے پیدا ہونے والے تالابوں میں ڈینگی لاروا کو تلف کرنے والی مچھلی ڈالی جا رہی ہے ․اور اس سلسلے میں محکمہ ماہی پروری مکمل مستعدی سے کام کر رہا ہے ․ انہو ں نے کہا کہ قبرستانوں اور ویران جگہوں پر خصوصی توجہ کی ضرورت ہے اور شہریو ں کو چاہیے کہ کوڑا کرکٹ پھینکتے وقت احتیاط سے کام لیں کیونکہ پلاسٹک کے لفافوں اور ٹوٹے ہوئے برتنوں میں بھی بارش کا پانی اکھٹا ہونے کی وجہ سے ڈینگی لاروا پیدا ہونے کا خدشہ ہے ․اس موقع پر محکہ صحت, ماحولیات, زراعت اور دیگر محکمو ں کے حکام نے انسداد ڈینگی سے متعلق اٹھائے گئے اقدامات سے اجلاس کو آگاہ کیا ․
متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.