عمران خان دھرنے میں بغیر تصدیق باتیں بتا کر گمراہ کر رہے ہیں ‘مہر غلام محمد لالی،
بھوانہ میں دریائے چناب پر تعمیر ہونے والے نئے برج کے منصوبے پر عوام کی شدید ضروریات کے تحت ارکان اسمبلی کی مشاورت سے عملدرآمد کیا جارہا ہے جس کا رمضان شوگر مل سے کوئی تعلق نہیں،رکن قومی اسمبلی مسلم لیگ (ن)
جمعرات 18 ستمبر 2014 21:49
فیصل آباد (اُردو پوائنٹ اخبار تازہ ترین۔18ستمبر 2014ء) عمران خان دھرنے میں بیٹھے ہوئے لوگوں کو بغیر تصدیق شدہ باتیں بتا کر گمراہ کر رہے ہیں ‘بھوانہ میں دریائے چناب پر تعمیر ہونے والے نئے برج کے منصوبے پر عوام کی شدید ضروریات کے تحت ارکان اسمبلی کی مشاورت سے عملدرآمد کیا جارہا ہے جس کا رمضان شوگر مل سے کوئی تعلق نہیں ان خیالات کا اظہار مسلم لیگ ( ن ) کے رکن قومی اسمبلی مہر غلام محمد لالی اور ارکان صوبائی اسمبلی مولانا رحمت الله اور مہر امتیاز لالی نے پریس کانفرنس کے دوران کیا ۔
انہوں نے کہا کہ یہ شوگر مل عرصہ دراز سے قائم ہے اور مسلم لیگ ( ن ) کی تین دفعہ حکومت آنے کے باوجود برج نہیں بنایا جاسکا‘برج بنانے کا منصوبہ عوامی نمائندوں کے مطالبے پر پایہ تکمیل تک پہنچاجس میں شریف فیملی کا کوئی مفاد نہیں‘اگر مل کا مفاد ہوتا تو یہ برج کافی عرصہ پہلے بن چکا ہوتا ۔(جاری ہے)
انہوں نے کہا کہ پل تعمیر کرنے کا مقصد عوام کو وقت کی بچت کی ساتھ آسان اور بہتر سفری سہولتیں مہیا کرنا ہے اور منصوبے کی بدولت ذرائع مواصلات کی ترقی سے علاقائی خوشحالی پر بھی مثبت اثرات مرتب ہونگے۔
انہوں نے بتایا کہ پل کی تعمیر سے فاصلے سمٹ جائیں گے وقت کی بچت اور آمد و رفت میں آسانی ہوگی‘عام افراد ‘ ملازم پیشہ اور کاروباری افراد کو بھوانہ اور لالیاں کے دوران سفر کرنے میں وقت کی بچت ہو گی ۔اراکین اسمبلی نے عمران خان کے الزام کی شدید مذمت کی اور کہا کہ وہ جھوٹ بولنے کی بجائے زمینی حقائق کو مدنظر رکھیں ۔ انہوں نے کہا کہ سیلاب میں پھنسے ہوئے مصیبت زدہ لوگوں کی خدمت کی بجائے عمران خان اور طاہرالقادری اسلام آباد میں بیٹھ کر لوگوں کو گمراہ کرنے کی باتیں کر رہے ہیں انہیں چاہئے تھا کہ وہ سیلاب زدہ علاقوں میں آکر متاثرین کی امداد اور خدمت کے لئے عملی کام کرتے مگر انہوں نے الزام تراشی کو اپنا وطیرہ بنا رکھا ہے ۔ اراکین اسمبلی نے کہا کہ وہ وزیر اعظم پاکستان محمد نواز شریف اور وزیر اعلی پنجاب محمد شہباز شریف کی قیادت میں عوامی بھلائی و خدمت کا سلسلہ جاری رکھیں گے ۔ انہوں نے کہا کہ الزام تراشی کرنے والے عمران خاں اور طاہر القادری عوام کے ساتھ مخلص نہیں ‘اگر یہ لوگ چنیوٹ کی عوام سے مخلص ہوتے تو اس منصوبے کی تائید اور حمایت کرتے ‘ مگر یہ عوامی فلاح کی بجائے انتشار کی سیاست کو فروغ دے رہے ہیں اور ملک میں انارکی چاہتے ہیں ۔ انہوں نے کہا کہ چنیوٹ کے عوام اپنے دشمن کو پہچان لیں جو ان کی ترقی کی راہ میں روڑے اٹکا رہے ہیں۔متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.