جی او سی جہلم کی ہدایت پرسیز فائر لائن پر ویلفیئر ماڈل ہسپتال بنڈالہ میں پاک آرمی کے زیر اہتمام فری میڈیکل کیمپ کا انعقاد

میرپور( اُردو پوائنٹ اخبار تازہ ترین۔20ستمبر۔2014ء)جی او سی جہلم کی ہدایت پرسیز فائر لائن پر واقع بنڈالہ ویلفیئر ماڈل ہسپتال بنڈالہ میں پاک آرمی کے زیر اہتمام فری میڈیکل کیمپ لگایا گیا جس میں آرمی اور سول ڈاکٹرں نے بڑی تعداد میں مریضوں کا مفت چیک اپ کیا اور انہیں مفت ادویات بھی دی گئی مفت میڈیکل کیمپ کی سرپرستی ایم ڈی ایس بھمبر ے انچارج کرنل ڈاکٹر کر رہے تھے یہ مفت میڈیکل کیمپ حالیہ طوفانی بارشوں سے پھیلنے والی بیماریوں کی روک تھام اور مریضوں کے چیک اپ کے لیے ہنگامی طور پر پاک آرمی نے لگایا گی مفت میڈیکل کیمپ لائن آف کنٹرول کے قریب آباد لوگوں کے علاج معالجے کے لیے لگا یا گیا تھا جس میں یونین کونسل بنڈالہ اور گرد و نواح سے سات سو سے زائد مریضوں کا مفت میڈیکل چیک ہوا ۔

(جاری ہے)

میڈیکل چیک اپ کروانے والوں میں مردو خواتین ،بچے اور بوڑھے شامل تھے مفت میڈیکل کیمپ میں پاک آرمی کے میڈیکل کے سپیشلسٹ، سرجن میل اور فی میل ڈاکٹرز صاحبان شامل تھے جبکہ آئی سپیشلسٹ ڈاکٹر مظہر نے بھی مفت میڈیکل کیمپ میں اپنی خدمات سر انجام دی۔ اس موقع پر صدر پریس کلب سماہنی راجہ غلام محی الدین، بنڈالہ ویلفیئر ماڈل ہسپتال بنڈالہ کمیٹی کے عہدیداران ریٹائرڈ میجر راجہ ذالقرنین خان،حاجی راجہ گلزار اور کمیٹی کے دیگر ذمہ داران نے بنڈالہ ویلفیئر ہسپتال کے چیئرمین راجہ اظہر اقبال خان کے ہدایت پر مفت آرمی میڈیکل کیمپ کے انتظامات اور مریضوں کے دیکھ بھال کے لیے اپنا اہم کردار ادا کیا۔

ایم ڈی ایس بھمبر کے انچارج کرنل ڈاکٹر نے بنڈالہ ویلفیئر ماڈل ہسپتال کی کمیٹی کے انتظامات و کارکردگی کو بے حد سراہا۔انہوں نے کہاکہ ہمیں بحیثیت قوم ملک کی خدمت کرنی چاہئے یہ زندگی عارضی ہے دکھی انسانیت کی خدمت اولین فرض ہے ۔ قبل ازیں پاک آرمی کے ز یر اہتمام سب ڈویژن سماہنی تحصیل ہیڈکواٹر ہسپتال میں بھی ایک روزہ مفت میڈیکل کیمپ لگایا جس میں ایک ہزار سے زائد لوگوں نے اپنا میڈیکل چیک اپ کروایا مریضوں کو مفت ادویات دی گئیں۔

وادی ویلفیئر آرگنائزیشن بنڈالہ اور بنڈالہ ویلفیئر ماڈل ہسپتال کی انتظامیہ نے پاک آرمی کی طرف سے لگائے جانے والے فری میڈیکل کیمپ پر جی او سی جہلم ، ایم ڈی ایس بھمبرکے انچارج اور پاک آرمی کے ڈاکٹرز صاحبان کا شکریہ اد ا کیا جھنوں نے دوردراز پہاڑی علاقے میں آکر لوگوں کا طبی معائنہ کیا اور ادویات دیں۔