پشاور،وزیر اعلیٰ پرویز خٹک کا ہنگو اور جلوزئی کے آئی ڈی پی کیمپوں میں مقیم آپریشن متاثرین کیلئے پانچ ہزار روپے فی خاندان عید پیکج کا اعلان ،
متاثرین کی خوراک، صحت وصفائی اور بچوں کی تعلیم سے متعلق مسائل کے حل کیلئے متعلقہ حکام کو فوری اقدامات کی ہدایت
جمعرات 25 ستمبر 2014 21:23
پشاور(اُردو پوائنٹ اخبار تازہ ترین۔25ستمبر 2014ء) خیبرپختونخوا کے وزیر اعلیٰ پرویز خٹک نے ہنگو اور جلوزئی کے آئی ڈی پی کیمپوں میں مقیم تیراہ اور باڑہ سمیت خیبرایجنسی کے آپریشن متاثرین کیلئے پانچ ہزار روپے فی خاندان عید پیکج کا اعلان کیا ہے نیز انکی خوراک، صحت وصفائی اور بچوں کی تعلیم سے متعلق مسائل کے حل کیلئے متعلقہ حکام کو فوری اقدامات کی ہدایت کی ہے اس کا اعلان انہوں نے خیبرایجنسی کے آئی ڈی پیز کے 45 رکنی وفد سے باتیں کرتے ہوئے کیا جس نے رکن قومی اسمبلی شہریار آفریدی کی زیر قیادت ان سے وزیر اعلیٰ سیکرٹریٹ پشاور میں ملاقات کی اور انہیں مذکورہ دو کیمپوں میں مقیم تقریباً پانچ ہزار متاثرہ خاندانوں کی حالت زار سے آگاہ کیا جبکہ اس موقع پر صوبائی وزیر ضیاء الله آفریدی، منصوبہ بندی و ترقیات کے پارلیمانی سیکرٹری میاں خلیق الرحمن، ایڈیشنل چیف سیکرٹری خالد پرویز، کمشنر پشاور منیر اعظم اور پی ڈی ایم اے کی ڈائریکٹر ریلیف عمارہ عامرکے علاوہ دیگر متعلقہ حکام بھی موجود تھے وزیر اعلیٰ نے واضح کیا کہ فاٹا کے تمام باشندے ہمارے لئے یکساں اہمیت رکھتے ہیں اور ہم انہیں ملکی سرحدوں کے محافظ اور پاکستان کے بازوئے شمشیر زن سمجھتے ہیں تاہم شمالی وزیرستان میں اچانک آپریشن شروع ہونے سے وہاں کے آئی ڈی پیز کی ہنگامی ضروریات کے پیش نظر ہماری تمام تر توجہ انکے قیام اور آباد کاری پر مرکوز رہی اور ہمیں خدشہ لاحق تھا کہ مباداشدید گرمی میں انکی دیگر ضروریات میں کمی کے علاوہ کوئی وبائی مرض نہ پھوٹ پڑے اور قیمتی جانوں بالخصوص ننھے بچوں کی زندگی کو سنگین خطرات درپیش نہ ہوجائیں مگر الله تعالیٰ کا شکر ہے کہ اس ضمن میں صورتحال کافی حد تک قابو میں ہے اور اسے بہتر بنانے کیلئے ہماری اجتماعی کوششیں جاری ہیں انہوں نے کہا کہ وہ خیبرایجنسی اور شمالی وزیرستان سمیت فاٹا کے تمام آئی ڈی پیز کو یقین دہانی اور خوشخبری دیتے ہیں کہ تمام قبائلی علاقوں میں پاک فوج کے تعاون سے پائیدار امن قائم ہو رہا ہے اور بہت جلد وہ اپنے گھروں کو لوٹ جائیں گے جبکہ وفاق کے ساتھ ساتھ ہماری صوبائی حکومت انکی بحالی میں بھی بھر پور تعاون جاری رکھے گی پرویز خٹک نے جلوزئی کیمپ میں چند سال قبل دہشت گرد دھماکے میں بعض شہداء اور زخمیوں کو صوبائی حکومت کی طرف سے معاوضے کی رقم نہ ملنے سے متعلق شکایت پر کمشنر پشاور کو ہدایت کی کہ وہ متاثرین سے انکی لسٹ لیکر معاوضے کی جلد ازجلد ادائیگی بھی یقینی بنائے انہوں نے ان آئی ڈی پیز کے 46 طلباء و طالبات کی مفت تعلیم سے متعلق پی ڈی ایم اے کو ٹاسک نمٹانے کی ہدایت کی اسی طرح آئی ڈی پیز کو ناقص آٹے کی فراہمی سے متعلق انہوں نے حکام کو متعلقہ عالمی اداروں سے رابطہ کرنے اور آٹے کا معیار بہتر بنانے یا متاثرین کو نقد ادائیگی یقینی بنانے کی ہدایت کی انہوں نے کہا کہ بہتر ہے کہ نقد ادائیگی ممکن نہ ہونے کی صورت میں عالمی ادارے متاثرین کو صوبائی حکومت کی سستا آٹا اور گھی سکیم کی طرز پر یوٹیلیٹی سٹورز سے آٹے کی فراہمی یقینی بنائے تاکہ خواتین اور بچوں سمیت آئی ڈی پیز کو گھنٹوں لمبی قطاروں میں کھڑا ہونے اور دور دراز کی سفری صعوبتوں سے نجات ملے وزیر اعلیٰ نے حیات آباد کے گرد چار دیواری کی تعمیر کی صورت میں خیبر ایجنسی کے ملحقہ باشندوں کی آسانی اور خواتین، طلبہ اور مریضوں کی پیدل آمدورفت کیلئے سکیورٹی گیٹ کی گنجائش چھوڑنے کی درخواست پر متعلقہ حکام سے بات کرنے کا بھی یقین دلایا ۔
مزید اہم خبریں
-
گوجرانوالہ،سفاک چچا اور چچی کامبینہ طورپربچے پرڈنڈوں سے تشدد،7سالہ بچہ جاں بحق
-
شہبازشریف نے پی پی 164میں ضمنی انتخاب کیلئے رانا راشد منہاس کو پارٹی ٹکٹ جاری کر دیا
-
پی آئی اے پرواز کی خاتون فضائی میزبان کو ٹورنٹوائیرپورٹ پر حراست میں لے لیاگیا
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
اینٹی کرپشن عدالت نے پرویزالٰہی اورمحمد خان بھٹی کو فرد جرم عائد کرنے کیلئے 4اپریل کو طلب کرلیا
-
کیا جرمنی شام کی اسد حکومت کی بالواسطہ مالی مدد کر رہا ہے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.