امریکہ میں ایبولا کا پہلا مریض چل بسا
جمعرات 9 اکتوبر 2014 14:14
ٹیکساس(اُردو پوائنٹ اخبار تازہ ترین۔9 اکتوبر۔2014ء) امریکہ میں ایبولا وائرس کا شکار ہونے والا پہلا شخص امریکی ریاست ٹیکساس کے شہر ڈیلس میں ایک ہسپتال میں چل بسا ہے۔برطانوی نشریاتی ادارے کے مطابق تھامس ایرک ڈنکن جن کی عمر 42 سال ہے اور انہیں لائبیریا میں یہ مرض لاحق ہو اور ان کا علاج تجرباتی دوائیوں سے کیا جا رہا تھا۔اس سے قبل امریکی حکومت نے ملک میں داخلے کے مقامات پر ایبولا کے مریضوں کی علامات دیکھنے کے لیے نئے سکریننگ کے اقدامات کا اعلان کیا ہے۔
اس مہلک مرض کے نتیجے میں 3865 افراد اب تک ہلاک ہو چکے ہیں جن میں سے اکثریت لائبیریا، سیئیرالیون اور گنی سے ہے۔ہسپتال کے ایک ترجمان نے کہا کہ ’بہت دکھ اور دلی مایوسی کے ساتھ ہم یہ اطلاع دینا چاہتے ہیں کہ تھامس ایرک ڈنکن آج صبح 7 بج کر 51 منٹ ہر وفات پا گئے۔(جاری ہے)
‘امریکی وزیرِ خارجہ جان کیری نے اس کچھ دیر قبل تمام ممالک سے درخواست کی کہ وہ اس وائرس کا مقابلہ کرنے کے لیے تعاون کریں۔
امریکہ نے اپنے 4000 فوجی خطے میں بھجوانے کا اعلان کیا ہے جبکہ برطانیہ 750 فوجی اہلکار سیئیرالیون بھجوا رہا ہے۔ڈنکن جو ایک کوریئر کمپنی کے لیے ڈرائیور کے طور پر کام کرتے تھے کو 30 ستمبر کو اس مرض کے ٹیسٹ مثبت آنے پر ہسپتال میں داخل کیا گیا تھا جو لائبیریا کے دارالحکومت منروویا سے براسطہ برسلز امریکہ پہنچے تھے۔وہ امریکہ پہنچنے کے کچھ دن بعد بیمار پڑ گئے تھے اور ہسپتال کے عملے نے اْن کے یہ بتانے کے باوجود کہ وہ لائبیریا سے حال ہی میں واپس آئے ہیں انہیں اینٹی بائیوٹک دوائیں دے کر گھر بھجوا دیا گیا۔چار دن انہیں علیحدہ ایک جگہ رکھا گیا مگر ان کی حالت بگڑتی گئی اور اس ہفتے انہیں تجرباتی دوا دی گئی۔وہ دس افراد جن کے ساتھ ان کا رابطہ تھا یا جن کے ساتھ وہ ملے تھے ان پر نظر رکھی جا رہی ہے۔امریکہ میں پہلے کیس کے سامنے آنے کے بعد یورپ میں پہلا کیس سپین کی ایک نرس کی صورت میں سامنے آیا جنہوں نے ایبولا کے مریضوں کی دیکھ بھال کی تھی۔متعلقہ عنوان :
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.