راولپنڈی میں ڈینگی کی تشویشناک صورتحال کے پیش نظر تمام متعلقہ محکموں کو ہائی الرٹ کردیا گیا ہے،خواجہ سلمان رفیق
جمعرات 9 اکتوبر 2014 22:52
راولپنڈی (اُردو پوائنٹ اخبار تازہ ترین۔9اکتوبر۔2014ء) مشیر وزیر اعلی پنجاب برائے صحت خواجہ سلمان رفیق نے کہا ہے کہ راولپنڈی میں ڈینگی کی تشویشناک صورتحال کے پیش نظر تمام متعلقہ محکموں کو ہائی الرٹ کردیا گیا ہے اورصورتحال کو مانیٹر کیا جارہا ہے ۔
(جاری ہے)
راولپنڈی ویسٹ مینجمنٹ کمپنی قربانی کے جانوروں کی الائشوں کو ٹھکانے لگانے کیلئے جنگی بنیادو ں پر کام کرے․خواجہ سلمان رفیق نے کہا کہ اکتوبر کا مہینہ ڈینگی کی پرورش اور پھیلاؤ کے حوالے سے انتہائی اہم ہے لہٰذا متعلقہ سرکاری محکمے اور ادارے عام شہریوں کے اشتراک اور تعاون سے ڈینگی لاروا کی ممکنہ افزائش کی جگہوں کو ختم کرنے سمیت انسداد ڈینگی اقدامات میں اپنا بھرپور کردار ادا کریں تاکہ صورتحال کنٹرول میں رکھی جا سکے ․ان خیالات کا اظہار انہو ں نے کمشنر آفس راولپنڈی میں انسداد ڈینگی کے حوالے سے منعقدہ جائزہ اجلاس کی صدارت کرتے ہوئے کیا ․ اس موقع پر سیکرٹری صحت ملک جواد رفیق, کمشنر راولپنڈی ڈویژن زاہد سعید , ڈی سی او راولپنڈی ساجد ظفر ڈال, چیئرمین سی ڈی اے معروف افضل کے علاوہ محکمہ صحت , ماحولیات , تعلیم, زراعت , ماہی پروری, ٹی ایم اوز راول ٹاؤن , پوٹھوہار ٹاؤن , پرنسپل راولپنڈی میڈیکل کالج ڈاکٹر محمد عمر اور دیگر متعلقہ محکمو ں کے حکام بھی موجود تھے ․مشیر وزیر اعلی پنجاب برائے صحت نے کہا کہ عیدالاضحی پر قربانی کے جانوروں کی آلائشوں اور گندگی کے ڈھیروں نیز بارشی پانی کے جوہڑوں کو ہنگامی بنیادو ں پر صاف کیا جائے اور اس مقصد کے لیئے متعلقہ محکمے جنگی بنیادوں پر کام کریں ․ انہو ں نے کہا کہ ڈینگی لاروا کے لیئے گھروں اور کمرشل مقامات کی چیکنگ کے علاوہ سرکاری عمارتوں , دفاتر کی سخت نگرانی کی جائے اور اگر کہیں سے ڈینگی لاروا برآمد ہو تو فورا سخت قانونی کاروائی کی جائے ․ اور اس سلسلے میں کوتاہی برداشت نہیں کی جائے گی ․خواجہ سلمان رفیق نے کہا کہ چیکنگ کے دوران گھروں کی چھتوں پر موجود پانی کی ٹینکیوں اور روم کولرز میں موجود پانی سے سب سے زیادہ ڈینگی لاروا مل رہا ہے ․ لہذا عام شہریوں سے اپیل کی جاتی ہے کہ ان مقامات کی مکمل نگرانی کریں ․ انہو ں نے کہا کہ ہر شہری کی اخلاقی اور سماجی ذمہ داری ہے کہ وہ اپنے گھرو ں اور ارد گرد کے مقامات سے ڈینگی لاروا کی افزائش کی ممکنہ جگہوں کو تلف کریں ․ سیکرٹری صحت ملک جواد رفیق نے اس موقع پر کہا کہ ڈینگی بخار کے علاج کے حوالے سے پرائیویٹ معالجین کا کردار انہتائی اہم ہے ․ لہدا ان کی تربیت کو ہر صورت یقینی بنایا جائے اور باقاعدہ تصدیق کی جائے کہ پرائیویٹ معالجین نے متعلقہ تربیت مکمل کرلی ہے ․کمشنر راولپنڈی زاہد سعید نے کہا کہ ڈینگی ہم سب کا مشترکہ دشمن ہے لہذا تمام تمام سرکاری ادارے اور عوام مل کر اس سے نجات حاصل کر سکتے ہیں․ انہو ں نے کہا کہ عید کی چھٹیوں میں تمام متعلقہ سرکاری اداروں کی کارکردگی تسلی بخش رہی ہے مگر انسداد ڈینگی مہم کو مزیدنتیجہ خیز بنانے کے لیئے مزید توجہ اور محنت کی ضرورت ہے ․چیئرمین سی ڈی اے معروف افضل نے کہا کہ وفاقی دارالحکومت میں ڈینگی کے حوالے سے صورتحال مکمل کنٹرول میں ہے اورتمام متعلقہ ادارے ڈینگی لاروا کی چیکنگ اور عوام میں آگاہی پیدا کرنے کے لیئے اپنا کردار ادا کر رہے ہیں․ انہوں نے ڈینگی مہم کے لیئے راولپنڈی انتظامیہ کو ہر قسم کے تعاون کی مکمل یقین دہانی کرائی ․اس موقع پر مختلف محکموں کے نمائندہ افسران نے انسداد ڈینگی سے متعلقہ کیے گئے اقدامات سے اجلاس کو بریفنگ دی ۔
متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.