لاہور کا جلسہ بھی تخت لاہور کے شہزادوں کی نیندیں حرام کردے گا،چیئرمین سنی اتحاد

منگل 14 اکتوبر 2014 13:26

فیصل آباد (اُردو پوائنٹ اخبار تازہ ترین۔14 اکتوبر۔2014ء) چیئرمین سنی اتحاد کونسل صاحبزادہ محمد حامد رضا نے کہا ہے کہ فیصل آباد کے کامیاب جلسہ کے بعد لاہور کا جلسہ بھی تختِ لاہور کے شہزادوں کی نیندیں حرام کردے گا۔کرسی اور کمیشن کی سیاست دفن کرکے دم لیں گے۔ملک کی ترقی اور عوام کی خوشحالی کیلئے فرسودہ اور بوسیدہ نظام ختم کرنا ہوگا۔ حکومت نے وزارت خارجہ کو دو بوڑھوں کے سپرد کررکھا ہے۔

امریکہ اور بھارت آپریشن ضرب عضب کی کامیابی پر پریشان ہیں ۔پاکستان کے خلاف بھارتی ریاستی دہشتگردی کو امریکی سرپرستی حاصل ہے۔اقوام متحدہ بھارت کو دہشتگرد ملک قرار دے۔قوم نسل در نسل حکمرانی کرنے والوں سے نجات چاہتی ہے۔پاکستان کے زوال کو کما ل میں بدلنے کیلئے سیاسی فرعونوں سے نجات ضروری ہے۔

(جاری ہے)

ملک کی ترقی اور عوام کی خوشحالی کیلئے فرسودہ اور بوسیدہ نظام ختم کرنا ہوگا۔

حکومت کی ناکام خارجہ پالیسی کی وجہ سے پاکستان عالمی سطح پر تنہائی کا شکار ہے۔ہماری منزل کرپشن فری پاکستان ہے۔ان خیالات کا اظہار انہوں نے جامعہ رضویہ میں کارکنوں کے اعزاز میں دیئے گئے استقبالیہ سے خطاب کرتے ہوئے کیا ۔صاحبزادہ محمد حامد رضا نے مزید کہا کہ پاکستان میں قانون معذور اور آئین مفلوج ہے۔بے دریغ اور بے رحم احتساب ضروری ہوچکا ہے۔

مراعات یافتہ اشرافیہ کے خلاف عوام کے باغیانہ جذبات عروج پر ہیں ۔ٹیکس چوری میں سیاسی اشرافیہ سب سے آگے ہیں۔امریکہ خطے میں بھارت کی تھانیداری اور اجارہ داری قائم کرنا چاہتا ہے۔ حکمرانوں نے عوام کو آئی ایم ایف اور ورلڈ بینک کا معاشی غلام بنادیا ہے۔ڈرون حملے کسی صورت قابل قبول نہیں ہیں ۔آپریشن ضرب عضب ملک بھر میں قیام امن کی نوید ثابت ہوگا۔سیاست کی دھل صفائی کے بغیر حقیقی جمہوریت نہیں آسکتی۔بھارت کی نئی حکومت مسئلہ کشمیر کو دبانے کی کوشش کررہی ہے۔