ڈی سی او لاہور محمد عثمان کی زیر صدارت اجلاس ، تمام ٹا ؤن ایڈمنسٹریٹرز کو انسدادِ ڈینگی سرگرمیوں کو مزید تیز کرنے کی ہدایت

لاہور ( اُردو پوائنٹ تاز ترین اخبار۔ 11نومبر 2014ء) ڈی سی او لاہور کیپٹن (ر)محمد عثمان نے کہا ہے کہ شہر کے تمام ٹا ؤنز میں ضلعی انتظامیہ انسداد ڈینگی مہم کو پوری جانفشانی کے ساتھ جاری رکھے ہوئے ہے،انسدادِ ڈینگی ایس اوپیز کے تحت شہر میں ڈینگی کی روک تھام کو ہر صورت یقینی بنایا جائے اور ڈینگی لاروا کے خاتمہ کے لیے اِن ڈور،آؤٹ ڈور سرویلنس میں کسی قسم کی کوتاہی یا غفلت ہرگز برداشت نہ کی جائے گی۔

انہوں نے ان خیالات کا اظہار منگل کے روز ڈی سی او کیمپ آفس میں ڈینگی کی روک تھام کے حوالے سے منعقدہ ایک اجلاس کی صدارت کر تے ہوئے کیا۔ای ڈی او (ہیلتھ)،اے ڈی سی (جی)،ٹا ؤن ایڈمنسٹریٹرز نے اجلا س میں شرکت کی۔ای ڈی او (ہیلتھ) اور ڈینگی پراجیکٹ انچارج نے شہر میں جا ری انسدادِ ڈینگی کی سرگرمیوں کے متعلق ڈی سی او لاہور کو تفصیلی بریفنگ دی۔

(جاری ہے)

بریفنگ کے دوران انہوں نے بتایا کہ انسدادِ ڈینگی مہم میں کا م کر نے والے سٹاف نے منگل کے روز ان ڈور ڈینگی سرویلنس کے تحت22639گھروں اور آؤٹ ڈور ڈینگی سرویلنس کے تحت8197مقامات کو چیک کیا،تمام ٹاؤنز میں ڈینگی Android فون کے ذریعے5264تصویریں لی گئیں جبکہ58 مقامات سے ڈینگی لاروا کو تلف کیا گیا اور ڈینگی لاروا برآمد ہونے اور ناقص صفائی ستھرائی کے انتظامات پر03افراد کے خلاف مقدمات درج کروائے گئے ۔

انہوں نے بتا یا کہ تمام ٹاؤنز نے آج62 قبرستانوں اور245کباڑخانوں کی ڈینگی سرویلنس کی اور244 ٹائر کی دکانوں میں صفائی ستھرائی کے انتظامات کو چیک کیا۔ انہوں نے مزید بتایا کہ آج 157 یونین کونسلزاور کنٹومنٹ بورڈ کے907 حساس گھروں میںآ ئی آر ایس سپرے کیا گیا ۔ٹاؤنز کی06حساس یونین کونسلز اور کنٹونمنٹ بورڈ کی 01 وارڈمیں فوگنگ سپرے بھی کیا گیا۔ اس موقع پر ڈی سی او لاہور کیپٹن(ر)محمد عثمان نے انسدادِ ڈینگی مہم میں کام کرنے والے سٹاف کی کارکردگی کو سراہا اور تمام ٹا ؤن ایڈمنسٹریٹرز کو ہدایت کی کہ انسدادِ ڈینگی سرگرمیوں کو مزید تیز کیا جائے۔