پولیو مہم کے دوران ورکرز کی سیکورٹی یقینی بنائی جائے ،سید محمد علی شاہ
منگل 11 نومبر 2014 20:37
کراچی (اُردو پوائنٹ اخبار تازہ ترین۔11نومبر 2014ء) ضلع غربی کے حساس مقامات پر پولیو مہم کی کامیابی اصل ہدف ہے ،حکومتی اداروں سمیت تمام متعلقہ ادارے پولیو سے پاک پاکستان کے لئے پر عزم ہیں ، پولیو کے خاتمے کا کام مشکل ضرور ہے لیکن ناممکن نہیں ،پاکستان جلد ہی پولیو سے پاک ملک کی فہرست میں شامل ہوجائیگا، پولیو مہم کے دوران کسی بھی ادارے کی جانب سے کوتاہی قبول نہیں کی جائے گی ۔
ان خیالات کا اظہار ڈپٹی کمشنر ضلع غربی سید محمد علی شاہ نے ضلع غربی میں پولیو مہم کے آغاز کیساتھ ہی ضلع بھرکے حساس مقامات کے دورے کے موقع پر صحافیوں سے بات چیت کرتے ہوئے کہی ، ایڈیشنل کمشنر ون سید شجاعت حسین ، ڈی آئی جی ویسٹ طاہر نوید اورایس ایس پی ویسٹ اسلم بلوچ بھی ان کے ہمراہ تھے ۔(جاری ہے)
ڈپٹی کمشنر ضلع غربی سید محمد علی شاہ نے یونین کونسل7گڈاپ ٹاؤن ،بلوچ گوٹھ یونین کونسل 13اورنگی ٹاؤن ،سائٹ یوسی 4سمیت دیگر اندرون و حساس علاقوں کا تفصیلی دورہ کیا اور پو لیو ورکرز کی سیکیورٹی سمیت پولیو مہم کی کامیابی کیلئے کئے گئے اقدامات کا جائزہ لیا انہوں نے پولیس حکام کو ہدایت کی وہ پولیو ورکرز کی سیکیورٹی کے لئے خصوصی اقدامات کے تسلسل کو برقرار رکھیں تاکہ ہر گلی و محلہ کے بچو ں کو پولیو کے قطرے بلا خوف و خطر پلا کر مستقبل کے معماروں کو اس موذی مرض سے بچایا جا سکے ۔
اس موقع پر صحافیوں سے بات چیت کرتے ہوئے ڈپٹی کمشنر ضلع غربی سید محمد علی شاہ نے کہا کہ پولیو کے مریضوں کی تعداد میں مسلسل اضافہ یقینا افسوس ناک ہے جو بین الاقوامی سطح پر پاکستان کے لئے نیک شگون ہرگز نہیں ہے ہم نے پولیو کو جڑ سے ختم کرنے کا تہیہ کر رکھا ہے اور اس کے لئے تمام وسائل بھی بروئے کار لا رہے ہیں تاہم مذہبی و سماجی حلقے اور علمائے کرام کی مشترکہ کوششوں سے پولیو کے مرض پر جلد قابو پایا جا سکتا ہے ۔ڈپٹی کمشنر ضلع غربی سید محمد علی شاہ نے مزید کہا کہ دنیا کے بیشتر ممالک پولیو کے مرض کو کنٹرول کر چکے ہیں جس کے بعد پولیو پاکستان ،بھارت افغانستان اور نائیجریا تک محدود ہو گیا ہے امید ہے کہ ان ممالک کے مقابلے پاکستان پولیو کی فہرست سے پہلے باہر آئے گا تاہم یہ یقین رکھا جائے کہ پاکستان جلد ہی پولیو سے پاک ملک کی فہرست میں شامل ہوجائیگا قریب ہے ۔انہوں نے مزید کہا کہ پولیو مہم کے دوران کسی قسم کی کوتاہی قبول نہیں کی جائے گی۔متعلقہ عنوان :
مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.