ہر حکومت کی اپنی ترجیحات ہوتی ہیں، پی ٹی آئی کی صوبائی حکومت کی ترجیحات میں تعلیم اور صحت کے بعدکھیلوں کے شعبے کی ترقی سر فہرست ہے، مقصد کے لئے حکومت نے کھیلوں کے شعبے کے فنڈز میں 52% کا ریکارڈاضافہ کیا ہے
منگل 18 نومبر 2014 19:06
کوہاٹ ( اُردو پوائنٹ تاز ترین اخبار۔ 18نومبر 2014ء ) وزیر اعلی خیبر پختونخواکے مشیرکھیل،سیاحت،آثار قدیمہ اور امور نوجوانان امجد خان آفریدی نے کہا ہے کہ ہر حکومت کی اپنی ترجیحات ہوتی ہیں جبکہ پی ٹی آئی کی صوبائی حکومت کی ترجیحات میں تعلیم اور صحت کے بعدکھیلوں کے شعبے کی ترقی سر فہرست ہے اور اس مقصد کے لئے حکومت نے کھیلوں کے شعبے کے فنڈز میں 52% کا ریکارڈاضافہ کیا ہے۔
انہوں نے کہا کہ صوبے میں تحصیل کی سطح پر 76گراؤنڈز کی تعمیر کے لئے مقامات کی نشاندہی کی گئی ہے اور انکے کیلئے اربوں روپے مختص کئے گئے ہیں۔ انہوں نے کے ڈی اے کوہاٹ میں آل کوہاٹ سپر ایٹ کرکٹ ٹورنامنٹ کے اختتام پر تقریب تقسیم انعامات سے خطاب کرتے ہوئے کیا۔ٹورنامنٹ جو تقریبا دہ ماہ جاری رہا میں ضلع بھر کے45ٹیموں نے حصہ لیا۔(جاری ہے)
آرگنائزنگ کمیٹی کے چےئرمین اختشام اورکزئی نے کھیلوں کے فروغ کے لئے صوبائی حکومت کی کوششوں کو سراہتے ہوئے کوہاٹ میں بھی کھیلوں کی ترقی کے لئے تجاویز پیش کیں۔
مشیر موصوف نے اس موقع پر آرگنائزنگ کمیٹی کے لئے 20ہزار، ونر اپ ٹیم کے لئے 15 ہزا ر اور رنر اپ ٹیم کیلئے 10ہزار روپے گرانٹ کا اعلان کیا۔امجد آفریدی نے کہا کہ معاشرے میں دہشت گردانہ اور انتہا پسندانہ سوچ کی موجودگی کی بڑی وجہ نوجوانوں کی کھیلوں جیسے مثبت سرگرمیوں سے دوری ہے لہذا اس سوچ کو شکست دینے کے لئے نوجوانوں کو کھیلوں اور دیگر مثبت سرگرمیوں کے زیادہ سے زیادہ مواقع دینگے۔انہوں نے کہا کہ صوبائی حکومت عنقریب ڈویژنل سطح پر سپورٹس اکیڈمی بنانے کا ارادہ رکھتی ہے جہاں پر کوچ نوجوانوں کو ایتھلیٹکس ،ٹینس،والی بال ،ہاکی اور دیگر کھیلوں کی ضروری تربیت دینگے،اسی طرح ضلعی سطح پر بھی روایتی گیمز شروع کئے جارہے ہیں تاکہ یہ گیمز دوبارہ زندہ ہو سکیں۔مشیر کھیل نے کہا کہ کوہاٹ میں جدید سپورٹس کمپلکس اور میوزیم کی منظوری دی گئی ہے اور اس کے لئے کے ڈی اے میں اراضی کی بھی نشاندہی کی گئی ہے اس کے ساتھ ساتھ کوہاٹ سپورٹس سٹڈیم اور میونسپل فٹ بال گراوٴنڈ کی بحالی اور ہاکی پلے گراؤنڈ میں آسٹروٹرف بچھانے کا کام بھی تیزی سے جاری ہے جبکہ تاندہ ڈیم اور گنڈیالی ڈیم میں واٹر سپورٹس شروع کرنے کی منظوری بھی دی جا چکی ہے اور اسکا پی سی ون بھی تیار کرکے متعلقہ حکام کو بھیجواد ی گئی ہے۔قبل ازیں مہمان خصوصی نے ونر اپ اور رنر اپ ٹیموں میں ٹرافیاں اور انفرادی ا نعامات تقسیم کیں ۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.