پی ٹی آئی کے بانی رکن ، پنجاب کے سابق صدر احسن رشید طویل علالت کے بعد انتقال کر گئے ،طویل عرصہ سے کینسر اور عارضہ قلب میں مبتلا تھے ، عمران خان سمیت دیگر رہنماؤں کااحسن رشید کے انتقال پر گہرے رنج و غم کا اظہار

منگل 25 نومبر 2014 20:37

لاہور( اُردو پوائنٹ تاز ترین اخبار۔ 25نومبر 2014ء) پاکستان تحریک انصاف کے بانی رکن ، پنجاب کے سابق صدر احسن رشید طویل علالت کے بعد لاہور میں انتقال کر گئے ، پاکستان تحریک انصاف کے چیئرمین عمران خان سمیت دیگر رہنماؤں نے احسن رشید کے انتقال پر گہرے رنج و غم کا اظہار کیا ہے ۔بتایا گیا ہے کہ احسن رشید کینسر اور عارضہ قلب میں مبتلا تھا ۔ وہ کینسر کے علاج کی غرض سے جرمنی میں بھی مقیم رہے اور انہوں نے شوکت خانم سے بھی علاج کرایا ۔

(جاری ہے)

طبیعت نہ سنبھلنے پر انہیں ایک نجی ہسپتال میں داخل کرایا گیا تھا جہاں وہ گزشتہ روز اپنے خالق حقیقی سے جا ملے ۔ پاکستان تحریک انصاف کے چیئرمین عمران خان‘ وائس چیئرمین شاہ محمود قریشی ‘ سیکرٹری جنرل جہانگیر ترین ‘ پنجاب کے صدر اعجاز چوہدری‘ جنرل سیکرٹری ڈاکٹر یاسمین راشد‘ اپوزیشن لیڈر محمودالرشید ‘ لاہور کے صدر عبد العلیم خان‘ نائب صدر جمشید اقبال چیمہ‘ اراکین اسمبلی میاں اسلم اقبال‘ ڈاکٹر مراد راس ‘ سعدیہ سہیل رانا‘ سبطین خان سمیت دیگر نے احسن رشید کے انتقال پر گہرے رنج و غم کا اظہار کرتے ہوئے انکے لواحقین کے لئے صبر جمیل کی دعا کی ہے۔

پاکستان تحریک انصاف سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید اہم خبریں