پولیو ٹیموں پر حملوں میں ”را “ملوث ہے، مینڈیٹ چور حکمرانوں کا دھڑن تختہ ہونے والا ہے‘چےئرمین سنی اتحاد کونسل ،
تحریک انصاف نے دھاندلی کے ثبوت سامنے لا کر 2013 کے الیکشن کو بوگس ثابت کر دیا ہے‘صاحبزادہ حامد رضا
جمعہ 28 نومبر 2014 20:04
لاہور(اُردو پوائنٹ اخبار تازہ ترین۔28نومبر 2014ء ) سنی اتحاد کونسل پاکستان کے چیئرمین صاحبزادہ حامد رضا نے کہا ہے کہ پولیو ٹیموں پر حملوں میں را ملوث ہے، مینڈیٹ چور حکمرانوں کا دھڑن تختہ ہونے والا ہے، نواز شریف نے سارک کانفرنس میں بھارتی مظالم کا ذکر نہ کر کے قوم کو مایوس کیا ہے، سیاست کو تجارت بنانے والے عوام کے خیرخواہ نہیں ہو سکتے،کرپشن کی دیمک نے پاکستان کو کھوکھلا کر دیا ہے۔
ان خیالات کا اظہار انہوں نے جامعہ علمیہ اچھرہ میں علماء کے اجلاس سے خطاب کرتے ہوئے کیاانہوں نے کہاکہ تحریک انصاف نے دھاندلی کے ثبوت سامنے لا کر 2013 کے الیکشن کو بوگس ثابت کر دیا ہے۔ اب حکومت کی کوئی آئینی و قانونی حیثیت نہیں رہی۔ قوم بدنام اور بدمعاش حکمرانوں سے بیزار ہے۔(جاری ہے)
حکومت سیاسی مخالفین کے خلاف غیرجمہوری ہتھکنڈے استعمال کر رہی ہے۔
30نومبر کو کوئی سانحہ رونما ہوا تو اس کی ذمہ دار حکومت ہو گی۔ سیاسی مخالفین کو للکارنے والے حکمران عوام کی پکار بھی سنیں۔ بنجر سرکاری زمینیں بیروزگار نوجوانوں میں تقسیم کی جائیں۔ پیپلز پارٹی مسلم لیگ ن کی بی ٹیم بن چکی ہے۔ کالاباغ ڈیم کی مخالفت کرنے والے سیاستدان ملک کی موجودہ تاریکیوں کے ذمہ دار ہیں۔ کالاباغ ڈیم کے مخالفین بھارتی مقاصد کو تقویت پہنچا رہے ہیں۔ صاحبزادہ حامد رضا نے مزید کہا کہ حکومت خود 30نومبر کو دمادم مست قلندر کا ماحول بنا رہی ہے۔ بیرونی بینکوں سے لوٹ مار کا پیسہ پاکستان واپس لا کر تمام غیرملکی قرضے ادا کیے جا سکتے ہیں۔ اپنے اثاثے پاکستان منتقل نہ کرنے والوں کو سیاست میں حصہ لینے کی اجازت نہیں ہونی چاہیے۔ سیاسی تاجروں کی دکانیں بند ہونے والی ہیں۔ چوہدری نثار سلطان راہی کی طرح بڑھکیں مار رہے ہیں۔ قوم کو حکمرانوں کے کھوکھلے دعووں پر یقین نہیں رہا۔ سیاسی اثر و رسوخ کے ذریعے معاف کروائے گئے اربوں روپے کے قرضے وصول کر کے ملکی معیشت مضبوط بنائی جا سکتی ہے۔ ”ریاست ہو گی ماں کے جیسی“ کا خواب پورا نہیں ہوا۔ پاکستانی عوام حقیقی انقلابی لیڈر سے محروم ہے۔ عالمی برادری دہشت گردی کے خلاف جنگ میں پاکستان کی قربانیوں کو تسلیم کرے۔ صاحبزادہ حامد رضا نے مزید کہا کہ پاکستان جسم اور کشمیر اس کی روح ہے۔ جسم کو روح سے جدا کرنا ممکن نہیں لیکن المیہ یہ ہے کہ کشمیری اور پاکستانی بھارت سے جتنی نفرت کرتے ہیں نواز شریف بھارت کے لیے اتنا ہی نرم گوشہ رکھتے ہیں۔مزید اہم خبریں
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
-
وزیر اعظم کا نیول ہیڈ کوارٹرز کا دورہ، امیر بحر سے ملاقات ،پاک بحریہ کی آپریشنل تیاریوں سے متعلق امور پر تبادلہ خیال
-
ججزکا خط ، وزیرِاعظم شہبازشریف کی چیف جسٹس پاکستان قاضی فائز عیسیٰ سے ملاقات
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
چیلنجز سے نمٹنے کیلئے مضبوط معیشت کلیدی حیثیت رکھتی ہے، وزیراعظم
-
عمران خان سے اڈیالہ جیل میں 11پی ٹی آئی رہنماﺅں کو ملاقات کی اجازت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.