دماغی مریضوں کا علاج مشکل ہے ناممکن نہیں، یہ علاج آنیوالے الیکشن میں عوام خود کرینگے،چوہدری احسن منظور

پیر 1 دسمبر 2014 15:37

مظفرآباد( اُردو پوائنٹ تاز ترین اخبار۔ یکم دسمبر 2014ء) مسلم لیگ ن آزادکشمیر کے جوائنٹ سیکرٹری چوہدری احسن منظور نے کہا ہے کہ وزیراعظم پاکستان میاں محمد نوازشریف کے مختصر دور اقتدار میں عوام نے عملی طور پر خوشحالی کی منزلیں طے کرنا شروع کردی ہیں‘ دماغی مریضوں کا علاج مشکل ہے ناممکن نہیں اور یہ علاج آنیوالے الیکشن میں عوام خود کرینگے۔

وزیراعظم پاکستان میاں محمد نواز شریف نے سارک سربراہ کانفرنس میں بھرپور طریقہ سے پاکستان کی نمائندگی کا حق ادا کیا ہے ۔ وزیراعظم کی طرف سے دہشت گردی کیخلاف جاری جنگ اور جنوبی ایشیاء میں تنازعات کو ختم کرنے کیلئے جو موقف اختیار کیا وہ پورے ملک کی نمائندگی ہے ۔ پاکستان ایک امن پسند ملک ہے اور خطہ میں تنازعات کو ختم کرنے کیلئے اپنا بھرپور کرداراد ا کر رہا ہے ۔

(جاری ہے)

ان خیالا ت کااظہار انہوں نے گزشتہ روز سینئر مسلم لیگی رہنما ملک محکم الدین کی رہائشگاہ پر گفتگو کے دوران کیا۔ اس موقع پر پارٹی امور پر تفصیلی تبادلہ خیا ل بھی کیا گیا اور شہری مسائل پر بھی گفتگو ہوئی۔ چوہدری احسن منظور نے کہا کہ پٹرولیم مصنوعات کی قیمتیں مسلسل کم ہونے سے اشیائے خوردونوش کی قیمتوں میں بھی کمی آئیگی۔ عوام خوشحالی کی طرف بڑھ رہی ہے اور یہ کریڈٹ مسلم لیگ ن ہی کی حکومت کو جاتا ہے جو دن رات ایک کر کے ملک کو خوشحال اورتعمیروترقی کی راہ پر گامزن کرنے میں اپنا کردار ادا کررہی ہے۔

انہوں نے کہا کہ مسئلہ کشمیر کے حل کی اہمیت اور ضرورت کے تحت وزیراعظم نواز شریف نے جموں و کشمیر سے متعلق قومی پالیسی کا اعادہ کرتے ہوئے مسئلہ کشمیر کو اقوام متحدہ کی مسلمہ قرار دادوں اور کشمیری عوام کی آزادی اور حق خود ارادیت کی اساس پر حل کرنے کا موقف اپنا کر جموں وکشمیر کے عوام کی صحیح ترجمانی کی ہے۔

متعلقہ عنوان :