پنگریو: حکومت سندھ کی ایک اور نا اہلی، ضلع بدین کی کئی فیمیل ٹیچرز کو اسکولوں سے ہٹا کر پولیو مہم میں لگا دیا گیا
جمعہ 5 دسمبر 2014 18:11
پنگریو ( اُردو پوائنٹ اخبار تازہ ترین۔5دسمبر 2014ء) حکومت سندھ کی ایک اور نا اہلی، ضلع بدین کی کئی فیمیل ٹیچرز کو اسکولوں سے ہٹا کر پولیو مہم میں لگا دیا گیا، تعلیم متاثر ہو نے کا خدشہ ،حکومت سندھ کی جانب سے تعلیمی معیار بلند کر نے کے اقدامات کے دعووں کی قلعی کھل گئی ہے، فیصلہ واپس نہ لیا گیا تو احتجاج کریں گے، گسٹا کا اعلان۔
(جاری ہے)
تفصیلات کے مطابق ضلع بدین میں انتظامیہ نے انوکھا اور حیرت انگیز فیصلہ کرتے ہوئے معلمات کو درس وتدریس سے ہٹا کر پولیو کی ویکسین پلانے پر لگا دیا ہے اس ضمن میں تحصیل ٹنڈو باگو اور ضلع بدین کی دیگر تحصیلوں میں معلمات کو دفاتر طلب کر کے انہیں آگاہ کیا گیا ہے کہ ان کی ڈیوٹیاں پولیو قطرے پلانے پر لگادی گئی ہیں اس لئے وہ اپنے متعلقہ سرکاری صحت مراکز کے پولیو ویکسینیشن انچارج کے پاس رپورٹ کریں ان احکامات کے بعد معلمات کی بڑی تعداد پولیو مہم میں شامل ہو گئی ہیں اور انہوں نے اپنے متعلقہ پولیو انچارجوں کو رپورٹ کر دی ہے معلمات کی پولیو مہم میں ڈیوٹیاں دور دراز مقامات پر لگا دی گئی ہیں ان معلمات کو پولیو ویکسینیشن کی تربیت کے لئے جمعہ کے روز ( آج) صحت مراکز میں طلب کیا گیا ہے انتظامیہ کی جانب سے محکمہ صحت اور دیگر تمام سرکاری محکموں کو چھوڑ کر تعلیم جیسے پیشے سے منسلک معلمات کی ڈیوٹیاں پولیو مہم میں لگانے کے باعث طالبات کی تعلیم متاثر ہو نے کا خدشہ پیدا ہو گیا ہے جبکہ معلمات بھی شدید پریشانی کا شکار ہو گئی ہیں ضلع بدین کی سیاسی و سماجی تنظیموں نے بدین کی انتظامیہ کے اس فیصلے کو تعلیم کے شعبے کے ساتھ مذاق قرار دیا ہے اور کہا ہے کہ اس فیصلے سے حکومت کے تعلیمی معیار بلند کر نے کے دعووں کی قلعی کھل گئی ہے اور یہ فیصلہ شعبہ تعلیم سے ایک مذاق ہے ان تنظیموں نے کہا کہ تمام سرکاری محکموں کو چھوڑ کر محکمہ تعلیم کی معلمات کو پولیو کے قطرے پلانے پر لگا دینا سراسر تعلیم دشمنی ہے ادھر گورنمنٹ سیکنڈری ٹیچرز ایسوسی ایشن (گسٹا ) ضلع بدین کے صدر محمد صدیق سومرو نے بدین کی انتظامیہ کے اس تعلیم دشمن فیصلے کے خلاف سخت احتجاج کیا ہے میڈیا سے بات چیت کرتے ہوئے انہوں نے کہا کہ ایک طرف تو معلمات کی کمی کے باعث ضلع بدین میں سینکڑوں گرلز اسکول بند ہیں اور طالبات کی تعلیم متاثر ہورہی ہے اس پر طرہ یہ کہ جو معلمات اسکولوں میں درس و تدریس سے وابستہ ہیں اور روزانہ طالبات کو تعلیم کے زیور سے آراستہ کر رہی ہیں ان کی ڈیوٹیاں اسکولوں سے ہٹا کرپولیو مہم میں لگا دی گئی ہیں جس کی وجہ سے نہ صرف طالبات کی تعلیم متاثر ہو گی بلکہ دور دراز علاقوں میں ڈیوٹی لگنے کے باعث معلمات بھی پریشانی کا شکار ہیں انہوں نے اعلان کیا کہ اگر یہ تعلیم دشمن فیصلہ فوری طور پر واپس نہ لیا گیا تو گسٹا سندھ بھر میں احتجاجی تحریک چلائے گی
مزید مقامی خبریں
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
-
اثریہ بوائز سکول اینڈ کالج جہلم میں سالانہ نتائج وتقسیم انعامات کی تقریب کا انعقاد ، جس میں طلباء کو اچھی کارکردگی دکھانے پر انعامات دیئے گئے
-
ایس اینڈ پی گلوبل پاکستان میں خواتین کی ترقی کے لئے سرمایہ کاری کیلئے پر عزم
-
نگہبان رمضان پیکج کی اب تک کے اعدادو شمار کی تفصیلات جاری کر دی گئیں
-
صحافت ایک مقدس پیشہ ہے ، ایک صحافی معاشرے کا آئینہ ہوتا ہے
-
موٹروے پولیس ٹریننگ کالج میں انسپکٹر سے ڈی ایس پی ترقی پانے والے افسران کو رینک لگانے کی تقریب
-
سستا رمضان بازار شہریو ں کیلئے بڑی سہولت ہے یہاں تمام اشیاء خوردو نوش انتہائی مناسب قیمتوں پر ہر شہری کیلئے دستیاب ہیں ڈی سی جہلم
-
ڈی سی جہلم کا گند م گودام کا دورہ، نگہبان راشن پروگرام کے تحت فراہم کیجانے والی گندم کی کوالٹی اور پیکنگ چیک کی، نگہبا ن پروگرام میں ناقص گندم کی شکایات حقیقت پر مبنی نہیں
-
نگہبان راشن پیکج کی تقسیم کا جائزہ لینے کیلئے ڈی سی جہلم کا دینہ اور سوہاوہ کا دورہ، مختلف مقامات پر راشن پیکج کی تیاری اور گلی محلوں میں تقسیم کی نگرانی
-
پاکستان سائیکلنگ فیڈریشن پاکستان سپورٹس بورڈ کے سپورٹس گالا میں سائیکلنگ کے سنسنی خیز مقابلوں کی میزبانی کر رہی ہے
-
رمضان المبارک کی بابرکت ساعتوں میں نیکیاں سمیٹنے کیلئے مرکزی مسلم لیگ اسلام آباد کا گزشتہ سال کی طرح امسال بھی گرینڈ سحری پروگرام شروع کرنے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.