پولیو کے خاتمے کے لئے حکومتی سطح پر بڑے پیمانے پر کوششیں کی جارہی ہیں،خدائیداد بلوچ ،
والدین اپنے بچوں کو عمر بھر کی معذوری سے بچانے کیلئے پولیو سے بچاؤ کے قطرے پلاکر ذمہ داری کا ثبوت دیں، ڈپٹی کمشنر نصیرآباد
منگل 16 دسمبر 2014 21:22
ڈیرہ مراد جمالی( اُردو پوائنٹ تازہ ترین اخبار۔ 16 دسمبر 2014ء) ڈپٹی کمشنر نصیرآباد خدائیداد بلوچ نے کہا ہے کہ پولیو کے خاتمے کے لئے حکومتی سطح پر بڑے پیمانے پر کوششیں کی جارہی ہیں۔ والدین کو چاہیئے کہ وہ اپنے بچوں کو عمر بھر کی معذوری سے بچانے کے لئے پولیو سے بچاؤ کے قطرے پلاکر نہ صرف ایک ذمہ دار والدین بلکہ وطن دوستی کا ثبوت دیں۔ ان خیالات کا اظہار انہوں نے پولیو کے حوالے سے منعقدہ اجلاس سے خطاب کرتے ہوئے کیا۔
اجلاس میں ضلعی آفیسران، اسسٹنٹ کمشنرز، تحصیلداران، ڈبلیو ایچ او کے نمائندوں و متعلقہ آفیسران نے شرکت کی۔ ڈپٹی کمشنر نصیرآباد نے کہا کہ ٹیموں کی کارکردگی کو بڑھانے کے لئے ایریا انچارج کے کردار کو فعال کرنا ہوگا اور آنے والی مہم کے دوران چیک اینڈ بیلنس کے نظام کو بہتر کرنا ہوگا اور وہ بذات خود مہم کی نگرانی کریں گے۔(جاری ہے)
انہوں نے کہا کہ مہم کے دوران اعلیٰ کارکردگی کا مظاہرہ کرنے والے ورکرز میں تعریفی اسناد بھی تقسیم کی جائیں گی۔
انہوں نے کہا کہ اگر متعلقہ ٹیم انچارج اپنے فرائض دیانتداری وخلوص سے ادا کریں تو ہم پولیو کو جڑ سے ختم کرنے میں کامیاب ہوسکتے ہیں۔ اگر ہم نے اپنے فرائض میں غفلت برتی تو یقینا ہمارے بچے اس موذی بیماری میں مبتلا ہو کر عمر بھر کی معذوری کا شکار ہوسکتے ہیں۔اس موقع پر ڈی ای ایچ او نصیرآباد ڈاکٹر عبدالمنان لاکئی نے 22دسمبر2014ء سے شروع ہونے والی تین روزہ پولیو مہم کے حوالے سے کی گئی تیاریوں کے حوالے سے بتایا کہ مہم کے دوران 128792بچوں کو پولیو ویکسین کے قطرے پلانے کے لئے 316موبائل ٹیمیں تشکیل دی گئی ہیں جن میں 139فی میل ٹیمیں شامل ہیں جو گھر گھر جاکر بچوں کو پولیو ویکسین کے قطرے پلائیں گی۔ اس کے علاوہ 33فکسڈ سینٹر، 27ٹرانزٹ پوائنٹس بھی بنائے گئے ہیں۔ انہوں نے کہا کہ مہم کے دوران درپیش مسائل اور مختلف ایریاز میں پولیو ویکسین کے قطرے پلانے سے انکار کرنے والے والدین کابھی ذکر کیا۔ اس موقع پر ڈپٹی کمشنر نے اسسٹنٹ کمشنروں کو ہدایت کی کہ وہ انکاری لوگوں سے مل کر ان کو قائل کریں کہ وہ اپنے بچوں کو پولیو سے بچاؤ کے قطرے ضرور پلائیں۔ انہوں نے ہدایت کی کہ پولیو مہم کے دوران کوئی بچہ پولیو ویکسین کے قطرے پینے سے رہ نہ جائے۔مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.