منور مغل دل کا دورہ پڑنے سے انتقال کر گئے

ہفتہ 20 دسمبر 2014 22:10

کراچی(اُردو پوائنٹ تازہ ترین اخبار۔ 20 دسمبر 2014ء) ایف پی سی سی آئی کے نائب اور یونائیٹڈ بزنس گروپ کے اسلام آباد میں اہم رہنما صدر منور مغل ہفتہ کو دل کا دورہ پڑنے سے انتقال کر گئے۔منور مغل جو اسلام آباد چیمبر کے سابق صدر بھی تھے، ایف پی سی سی آئی کیپیٹل آفس میں کام کر رہے تھے کہ اس دوران دل کا شدید دورہ پڑااور وہ جانبر نہ رہ سکے۔منور مغل کو آج ایچ ایٹ کے قبرستان میں دوپہر2بجے سپرد خاک کیا جائے گا۔

دریں اثنا یونائیٹڈ بزنس گروپ کے رہنماؤں افتخار علی ملک، ایس ایم منیر ،سینیٹر عبدالحسیب خان،میاں ادریس،زبیرایف طفیل،میاں زاہد حسین، حمید اختر چڈھا، میاں اکرم فرید، عبد الرؤف اور ملک سہیل نے انکے انتقال پر گہرے دکھ کا اظہار کرتے ہوئے کہا ہے کہ کاروباری برادری ایک سائبان سے محروم ہو گئی ہے،ہم اہل خانہ اور اسلام آباد کی کاروباری برادری کے غم میں برابر کے شریک ہیں، انکی رحلت سے پیدا ہونے والا خلاء کبھی پر نہیں ہو گا۔

(جاری ہے)

ایف پی سی سی آئی کے سابق صدر طارق سعید،صدر زکریاعثمان،نائب صدورمظہراے ناصر،اسماعیل ستار،ایس ایم نصیر،خرم سعید،محمدعدنان،شکیل احمدڈھینگڑا،نائمہ انصاری،بزنس مین پینل کے جنرل سیکریٹری حاجی شفیق، شکیل احمدمختار،شیخ امتیاز احمدمیاں محمود احمداور دیگر رہنماؤں نے منور مغل کی وفات پر گہرے رنج وغم اور تعزیت کا اظہار کیا ہے۔

Facebook Twitter Google + Share on Whatsapp

منور مغل دل کا دورہ پڑنے سے انتقال کر گئے

مزید اہم خبریں