پولیو ویکسین کی عدم دستیابی کی خبروں میں کوئی صداقت نہیں ‘ مشیر صحت خواجہ سلمان رفیق
بدھ 24 دسمبر 2014 17:54
لاہور ( اُردو پوائنٹ تازہ ترین اخبار۔ 24 دسمبر 2014ء) مشیر صحت پنجاب خواجہ سلمان رفیق نے کہا ہے کہ پولیو ویکسیئن کی عدم دستیابی اور پولیو ورکرز کی جانب سے خالی ڈبے اٹھا کر لوگوں کو دھوکہ دینے کی خبروں میں کوئی صداقت نہیں اور بغیر تصدیق ایسی خبروں کو پھیلانا پولیو کے خاتمہ کی کوششوں کو نقصان پہنچانے کے مترادف ہے ۔ ایک بیان میں انہوں نے کہا کہ 22 سے 24 دسمبر کو ہونے والی مہم کے لئے مطلوبہ مقدار میں ویکسئین 19 اور 20 دسمبر کو متعلقہ اضلاع میں پہنچا دی گئی تھی اور اس مہم کو صرف سیکورٹی وجوہات کی بناء پر ملتوی کیا گیا تھا۔
خواجہ سلمان رفیق نے کہا کہ محکمہ صحت پنجاب کے پاس پولیو ویکسئین کے وافر ذخائر موجود ہیں ۔تمام پولیو ورکرز کی حفاظت حکومت کی ذمہ داری ہے اور وزیر اعلی محمد شہباز شریف کے حکم پر تمام اضلاع کو ہدایات جاری کی گئی ہیں کہ تمام پولیو ٹیموں کے ساتھ پولیس گارڈز فراہم کئے جائیں ۔(جاری ہے)
خواجہ سلمان رفیق نے مزید کہا کہ کبھی بھی انسداد پولیو کی کسی مہم میں زائد المعیاد ویکسئین استعمال نہیں کی گئی۔
انہوں نے کہا کہ پنجاب کی انسداد پولیو کی مہم مثالی ہے اور صوبے کے ایک کروڑ 75 لاکھ بچوں میں سے پولیو کے 3 کیس پنجاب میں ہوئے ہیں جبکہ پاکستان میں پولیو کے کل کیسوں کی تعداد 291 تک پہنچ چکی ہے ۔ خواجہ سلمان رفیق نے مزید کہا کہ حکومت پنجاب اس حوالے سے اپنی ذمہ داریوں سے بخوبی آگاہ ہے اور وزیر اعلی پنجاب خود ماہانہ پولیو میٹنگ کی صدارت کرتے ہیں او رپولیو کے خاتمہ کے لئے اقدامات کی نگرانی کے لئے کابینہ کمیٹی بھی تشکیل دی گئی ہے، خواجہ سلمان رفیق نے اس عزم کا اظہار کیا کہ حکومت پنجاب پولیو کو ختم کر کے ہی دم لے گی ۔متعلقہ عنوان :
مزید قومی خبریں
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.