رکن یورپی پارلیمنٹ اوریو کے انڈی پینڈنس پارٹی کے رہنماء امجد بشیر کاایم کیو ایم کے مرکز نائن زیرو کا دورہ
ملاقات میں سانحہ پشاور پر دلی افسوس کااظہار اور ملک کی مجموعی سیاسی ، سماجی اور معاشی صورتحال پر تبادلہ خیا ل کیا گیا ، خوشی ہے ایم کیوایم سیاست کیساتھ ساتھ ملک کے تمام طبقات اور عوام کیلئے فلاحی و سماجی کام بھی کر رہی ہے، امجد بشیر، امجد بشیر عالمی برادری کو انسانی خلاف کی ورزیوں ،ایم کیوایم کے خلاف ناانصافیوں اور زیادتیوں سے آگاہ کریں گے، قمر منصور
جمعہ 26 دسمبر 2014 22:34
کراچی (اُردو پوائنٹ اخبار تازہ ترین۔26دسمبر 2014ء) یورپی پارلیمنٹ و انسانی حقوق کمیٹی کے رکن اوریونائیٹڈ کنگڈم انڈی پینڈنس پارٹی کے رہنما امجد بشیر نے جمعہ کے روزمتحدہ قومی موومنٹ کے مرکز نائن زیرو عزیز آباد کا دورہ کیا اور رابطہ کمیٹی کے انچارج قمر منصور ، اراکین رابطہ کمیٹی غازی صلاح الدین ، عارف خان ایڈووکیٹ اور اسلم آفریدی،کہف الوری سے ملاقات کی ۔
اس موقع پر حق پرست سنیٹر بابر خان غوری ، قومی اسمبلی میں حق پرست پارلیمانی لیڈر رشید گوڈیل، ارکان قومی اسمبلی ڈاکٹر فاروق ستار ، خواجہ سہیل منصور ، سندھ اسمبلی میں ایم کیوایم کے پارلیمانی لیڈر سید سردار احمد ، ڈپٹی پارلیمانی لیڈر خواجہ اظہار الحسن اور حق پرست رکن سندھ اسمبلی ارشد وہرہ بھی موجود تھے ۔(جاری ہے)
قبل ازیں امجد بشیر کا نائن زیرو آ مد پر کارکنان نے پرتپاک استقبال کیا اور پھولوں کی پتیاں نچھاور کیں اس موقع پر رابطہ کمیٹی کے انچارج قمر منصور نے امجد بشیر کوجناب الطاف حسین کی جانب سے گلدستہ پیش کیا اور نائن زیرو آمد پر ان سے دلی تشکر کااظہار کیا ، ملاقات میں سانحہ پشاور پر دلی افسوس کااظہار کیا گیا اور ملک کی مجموعی سیاسی ، سماجی ، معاشی صورتحال پر تبادلہ خیا ل کیا گیا اور ملک میں دہشت گردی کے خلاف قومی یکجہتی و اتفاق کی ضرورت پر زور دیا گیا جبکہ ایم کیو ایم کے رہنماوٴں نے امجد بشیر کو ایم کیو ایم کی جانب سے مدرسہ ریفارمز ، لینڈ ریفارمز اورملک میں بھائی چارگی کی فضاء قائم کرنے کیلئے جناب الطاف حسین کے کلیدی کردار سے آگاہ کیا۔
ملاقات کے بعد نائن زیرو پر میڈیا کے نمائندگان کو پریس بریفنگ دیتے ہوئے امجد بشیر نے کہاکہ نائن زیرو آکر مجھے بہت خوشی ہو ئی اور یہاں دو دن کے دورے میں میں نے بہت کچھ سیکھا ہے اور اب میں یورپین پارلیمنٹ میں جاکر یہاں کے انسانی حقوق کے حوالے سے اور دیگر مسائل کے بارے میں آگاہی دوں گا ۔ انہوں نے کہا کہ میں نے اس دوران ایم کیوا یم کی مختلف فلاحی اداروں کا بھی دورہ کیا ہے اورآج سن اکیڈمی گیا جہاں دیکھا کہ ایم کیوایم ملک کے مظلوم و غریب عوام کے بچوں کو انتہائی کم فیسوں پر تعلیم فراہم کر رہی ہے ، میں نے نذیر حسین یونیورسٹی کا بھی دورہ کیا اور وہاں طلبہ سے ملاقات کرکے تعلیمی میعار کے حوالے سے گفتگو کی اور مجھے خوشی ہوئی ، میں خدمت خلق فاؤنڈیشن بھی گیا جو کہ فلاحی کاموں کابہت بڑا ادارہ ہے ۔انہوں نے کہا کہ میں نے ایم کیوایم کے دفاتر کا دورہ کیا تو میں وہاں تمام زبانیں بولنے والے کارکنان سے ملا جہاں صرف اُردو بولنے والے نہیں بلکہ سندھی ، پشتون، پختون ، سرائیکی ، پنجابی ،ہزارے وال ، کشمیر ی ، بلوچی اور تمام مذاہب کے افراد دیکھے جو ایم کیوایم میں کام کررہے ہیں۔ انہوں نے کہاکہ مجھے خوشی ہوئی کہ ایم کیوایم سیاست کے ساتھ ساتھ ملک کے تمام طبقات کے عوام کیلئے فلاحی و سماجی خدمات بھی سرانجام دے رہی ہے ۔ انہوں نے کہا کہ میں نے ایم کیوا یم کے لاپتہ افراد کے لواحقین سے بھی ملاقات کی جن کے پیارے سالوں سے لاپتہ ہیں اور کسی کو انکے متعلق کچھ معلوم نہیں جو میرے لئے صدمے کی بات ہے ، یورپ میں کوئی شخص بھی قانون سے بالاتر نہیں ہے اوروہاں سب کو عدالتوں اور قانون کا سامنا کرنا پڑتاہے ، ہم ماورائے عدالت قتل ، ملٹری کورٹس پر یقین نہیں رکھتے ۔ انہوں نے کہا کہ مجھے معلوم ہے کہ پاکستان شدید دہشتگردی کا شکار ہے جس کا سب سے بڑا سانحہ پشاور کے آرمی پبلک اسکول میں پیش آیا ،انہوں نے ایم کیو ایم کے لاپتہ کارکنوں کے اہل خانہ کو یقین دلایا کے میں یورپی پارلیمنٹ میں اس مسئلے کے حل کیلئے تمام کوششیں بروئے کار لاوٴں گا۔ بعدازاں ایم کیوایم رابطہ کمیٹی کے انچارج قمرمنصورنے میڈیا نمائندگان سے گفتگو کرتے ہوئے کہاکہ امجد بشیر نے ایم کیوایم کی تنظیمی سرگرمیوں اور ملک بھر کی مظلوم قومیتوں کیلئے جناب الطاف حسین کی عملی جدوجہد کا تفصیلی جائزہ لیا ہے اور مجھے یقین ہے کہ امجد بشیر عالمی برادری کو انسانی خلاف ورزیوں ،ایم کیوایم کے خلاف ناانصافیوں اور زیادتیوں سے نہ صرف آگاہ کریں گے بلکہ اس سلسلے میں مثبت کرداراادا کرینگے اور انشاء اللہ تعالیٰ ان مثبت کردار کے نتیجے میں ملک دہشت گردی سمیت جاگیردارانہ ،و ڈیرانہ اور سردارانہ نظام سے چھٹکارا حاصل کرے گا ۔انہوں نے امجد بشیر کی نائن زیرو آمد کا زبردست خیر مقدم بھی کیا ۔متعلقہ عنوان :
مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.