کراچی: حساس یونین کونسلز میں پولیو مہم جاری، قطرے پلانے سے انکار پر والد گرفتار

بدھ 28 جنوری 2015 15:13

کراچی (اُردو پوائنٹ اخبار تازہ ترین۔28جنوری2015ء) کراچی کی گیارہ حساس ترین یونین کونسلوں میں انسداد پولیو مہم دوسرے روز بھی جاری ہے ، لیا قت آباد میں بچوں کو قطرے پلانے سے انکار پر والد کو گرفتار کر لیا گیا۔ شہر قائد میں ایک مرتبہ پھر تین روزہ انسداد پولیو مہم جاری ہے ، گیارہ حساس ترین یونین کونسلوں میں دوسرے روز بھی بچوں کو پولیو ویکسین دی جا رہی ہے ۔

(جاری ہے)

تین روزہ اس مہم کے دوران دو لاکھ سولہ ہزار آٹھ سو سات بچوں کو پولیو ویکسین دینے کا ہدف مقرر کیا گیا ہے ۔ مہم میں آٹھ سو تیراسی پولیو ورکرز اور سپروائزر حصہ لے رہے ہیں ۔ پولیو ورکرز کی سیکورٹی کے لئے پولیس کے تیرہ سو پچھتر اہلکار جبکہ ایک سو تہتر رینجرز تعینات کئے گئے ہیں ۔ یونین کونسل فردوس ٹو میں ایک شخص نے اپنے بچوں کو انسداد پولیو کے قطرے پلانے سے انکار کر دیا جس پر اسے گرفتار کر لیا گیا۔