ایل ڈی اے ایک ارب 30کروڑ روپے سے قرطبہ چوک سے لبرٹی چوک تک سگنل فر ی راستہ تعمیر کریگا ،

لاہور ( اُردو پوائنٹ تازہ ترین اخبار۔ 07فروری 2015ء) لاہور ڈویلپمنٹ اتھارٹی نے ایک ارب 47کروڑ روپے کی لاگت سے شہر میں دو بڑے ترقیاتی منصوبوں پر عمل درآمد کے لئے تعمیراتی کمپنیوں کو کنٹریکٹ ایوارڈ کر دیئے ہیں ۔ ان منصوبوں میں ایک ارب 30کروڑ روپے کی لاگت سے قرطبہ چوک جیل روڈ سے لبرٹی چوک مین بلیوارڈ گلبر گ تک 7 کلو میٹر طویل سگنل فر ی راستے کی تعمیر اور 17کروڑ روپے سے ٹھوکر نیا زبیگ چوک سے واپڈا ٹاؤن گو ل چکر تک ساڑھے پانچ کلو میٹر طویل سدرن بائی پاس رو ڈ کی بہتری کے منصوبے شامل ہیں ۔

قرطبہ چوک جیل رو ڈ سے لبرٹی چوک مین بلیوارڈ گلبرگ تک سگنل فر ی بنانے کے منصوبے پر کام کا آغاز دو ہفتوں میں ہو گاجو 4ماہ میں مکمل کیا جائے گا - گزشتہ روز ٹینڈر کے ذریعے منصوبے پر عمل درآمد کا کنٹر یکٹ حبیب کنسٹرکشن سروسز کو ایوارڈ کر دیا گیا ۔

(جاری ہے)

ٹینڈر نگ میں چا ر کمپنیوں این ایل سی ‘ زیڈ کے بی ریلائبل ‘ حبیب کنسٹرکشن سروسز اور آئی کین نے حصہ لیا ۔

سگنل فری منصوبے کے تحت دو انڈر پاس اور پانچ یو ٹرنز تعمیربنائے جائیں گے -پہلا انڈر پاس شا د مان چوک پر چائنہ چوک سے شا دمان مارکیٹ کی طرف جانے والی ٹریفک کے لئے تعمیر کیا جائے گا -اس کی گہرائی 3.1میٹر ہو گی-دوسرا انڈرشیر پاؤ پل سے جیل روڈ جانے والی ٹریفک کے لئے پہلے فوارے کے قریب تعمیر کیا جائے گا -5.1میٹر گہر ے اس فل ڈیپتھ انڈر پاس سے ہر طرح کی ٹریفک گزرسکے گی - منصوبے کے تحت اس راستے میں سات سگنل فری یو ٹرنزتعمیر کئے جائیں گے - پانچ یو ٹرنز جیل روڈ پر ایڈن سنٹر چوک‘ شادمان چوک ‘ پی آئی سی چو ک‘کینال برج ‘ ظفر علی روڈ اور فوارہ چوک جبکہ دو یوٹرنز مین بلیوارڈ گلبرگ پر مین مارکیٹ چوک اور ظہور الہی روڈ کراسنگ پر بنائے جائیں گے - اس راستے پر پیدل چلنے والوں کے لئے مختلف مقامات پر چھے کرو ڑ روپے کی لاگت سے چار اوور ہیڈ برج بھی تعمیر کئے جائیں گے ۔