ہم بیرسٹر کے شانہ بشانہ تحریک انصاف کو آزادکشمیر کی بڑی سیاسی پارٹی میں بدل دیں گے‘چوہدری ذوالفقار

میرپور(اُردو پوائنٹ اخبارتاز ترین ۔ 8فروری 2015ء) قائد کشمیر بیرسٹر سلطان محمود نے تحریک انصاف میں شامل ہو کر پسے ہوئے طبقات کی بھرپور نمائندگی کا حق ادا کیا ہے ہم بیرسٹر کے شانہ بشانہ تحریک انصاف کو آزادکشمیر کی بڑی سیاسی پارٹی میں بدل دیں گے ان خیالات کا اظہار چوہدری ذوالفقار آف ٹھارہ ڈڈیال نے اپنے ایک بیان میں کیا چوہدری ذوالفقار کا کہناتھا کہ موجودہ حکومت عوامی مسائل کو حل کرنے میں مکمل طور پر ناکام ہوچکی ہے فریال تالپور اور چوہدری ریاض کے اشاروں پر ناچنے والوں نے کشمیری قوم کو بے توقیر کر دیا ہے حلقہ ایل اے ون سے عوامی نمائندگی کے دعویدار وزیر اوقاف محمد افسر شاہد صرف زبانی جمع خرچ میں ہی مصروف رہتے ہیں جبکہ عملی طور پر تحصیل برکی رابطہ سڑکیں کھنڈرات کے مناظر پیش کررہی ہیں وزیر موصوف اور ان کے چمچے صرف مال بناؤ پالیسی پر گامزن ہیں اس بار الیکشن میں پیپلز پارٹی والوں کو آٹے دال کا بھاؤ معلوم ہو جائے گا بیرسٹرسلطان محمود ایک قومی رہنما ہیں جو ملکی وبین الاقوامی سطح پر کشمیریوں کی بہترین نمائندہ شخصیت کے طور پر جانے جاتے ہیں چوہدری ذوالفقار کا کہنا تھاکہ عمران خان پاکستان میں انقلاب اور آزادی کا ایسا نشان بن چکا ہے جس پر عوام کو اندھا اعتماد ہے عمران خان کی طلسماتی شخصیت نے جاگیر داروں، سرمایہ داروں اور لینڈ مافیا کی نہ صرف نیندیں حرام کر دی ہیں بلکہ عوام کو ایک منظم مربوط پلیٹ فارم مہیا کرتے ہوئے احسان عظیم کیا ہے انھوں نے کہا کہ میں تقریباً ایک سال سے تحریک انصاف کا کارکن ہوں اور آج میرا سر فخر سے بلند ہو چکاہے کہ ہمارے اس قافلے میں قائد کشمیر سابق وزیراعظم بیرسٹر سلطان محمود چوہدری اور ان کے ساتھی شامل ہو چکے ہیں انشاء اللہ آئندہ انتخابات میں غریب اور پسے ہوئے طبقے کی جیت یقینی ہو گی اور پاکستان کی طرح آزادکشمیر میں بھی تحریک انصاف کا بول بالا ہو گا۔