وفاقی اور آزاد کشمیر حکومت ایک ہی سکے کے دو رخ ہیں جن پر عوام کو کوئی اعتبار نہیں ‘تحریک انصاف نے آزاد خطہ کی سیاست کو تبدیل کر دیا ہے ‘عوام بہرروپیوں کے دھوکے میں نہیں آئیں گے ‘15 مارچ کو بیرسٹر سلطان کامیاب ہونگے

کھوئی رٹہ ( اردپوائنٹ۔تازہ ترین اخبار ۔28 فروری 2015 ) تحریک انصاف کے رہنما و سابق وزیر صحت چوہدری محمد رفیق نےئر نے کہا کہ وفاقی اور آزاد کشمیر حکومت ایک ہی سکے کے دو رخ ہیں جن پر عوام کو کوئی اعتبار نہیں ‘تحریک انصاف نے آزاد خطہ کی سیاست کو تبدیل کر دیا ہے ‘عوام بہرروپیوں کے دھوکے میں نہیں آئیں گے ‘15 مارچ کو بیرسٹر سلطان محمود بھاری اکثریت سے کامیاب ہونگے ۔

(جاری ہے)

انھوں نے کہا کہ پیپلز پارٹی اور مسلم لیگ نے عوام کو محرمیوں اور مایوسیوں سے سوا کچھ نہیں دیا عمران خان اور بیرسٹر سلطان محمود ہی امید کی آخری کرن ہیں جو ملک اور قوم کو بحرانوں سے نکال کر صحیح معنوں میں ترقی اور خوشحالی لا سکتے ہیں مختلف سوالوں کا جواب دیتے ہوئے انھوں نے کہا کہ سابق وزیر اعظم بیرسٹر سلطان محمود چوہدری نے کشمیریوں کے حقوق کی جنگ لڑی اور آئندہ بھی لڑتے رہیں گے 15 مارچ کوہونے والے ضمنی انتخابات کے حوالہ سے چوہدری محمد رفیق نےئر نے کہا کہ بیرسٹر کی قیادت میں مخالفین کو عبرتناک شکست ہو گی پی ٹی آئی الیکشن جیت چکی ہے صرف رسمی کاروائی باقی ہے اس سے قبل سابق وزیر صحت چوہدری محمد رفیق نےئر جب اپنے حلقہ کھوئی رٹہ پہنچے تو پی ٹی آئی کے کارکنوں نے ان کا زبردست استقبال کیا پھولوں کے ہار پہنائے اور ایک ریلی کی شکل میں انہیں کھوئی رٹہ لایا کارکنوں نے سابق وزیر صحت کو بھرپور تعاون کا یقین دلایا ۔