پیپلز پارٹی سے غداری کرنے والوں کو حشر دنیا دیکھ رہی اور دیکھتی رہے گی‘سید سکندر بخاری

جمعرات 5 مارچ 2015 13:42

میرپور(اُردو پوائنٹ اخبار تازہ ترین۔05مارچ۔2015ء) پیپلز پارٹی شہیدوں اور غازیوں کی جماعت ہے شہید ذوالفقار علی بھٹو نے پاکستان کی غریب عوام کی زبان بخشی اور انکے حقوق کے لیے پھانسی کا پھندا قبول نہیں ۔ہماری طاقت عوام ہیں ۔صدر جماعت اور وزیراعظم آزادحکومت چوہدری عبدالمجید کی قیادت میں پیپلز پارٹی متحد ومنظم ہے پیپلز پارٹی سے غداری کرنے والوں کو حشر دنیا دیکھ رہی اور دیکھتی رہے گی۔

میرپور کے عوام باشعور ہیں29مارچ کو تیر پر مہر لگا کر چوہدری اشرف کی جیت کو یقینی بنائیں گے۔

(جاری ہے)

ان خیالات کا اظہار پیپلز پارٹی کے دیرینہ کارکن و مشیر حکومت سید سکندر بخاری نے اپنے بیان میں کیا انھوں نے کہا کہ چوہدری اشرف نے پیپلز پارٹی میں شمولیت اختیار کر کے سیاسی تاریخ کا بہترین فیصلہ کیا ہے۔انھوں نے کہا کہ انٹرنیشنل لیڈر سیر سپاٹوں کے ذریعے مسئلہ کشمیر کے حل کی باتیں کر کے عوام کی آنکھوں میں دھول جھونکتا رہے۔

لیکن اب عوام تبدیلی کے خواہاں ہیں اور29مارچ کو تبدیلی آکر رہے گی۔انھوں نے چوہدری اشرف کی حمایت کرنے کا اعادہ کرتے ہوئے کہا کہ جو بھیPPPکا ترنگہ سنبھالے گا وہ ہمارے لیے محترم ہے پیپلز پارٹی کا کارکن جماعت ڈسپلن کا پابند ہے ۔29مارچ کا سورج پی پی پی کی جیت کی نوید لے کرطلوع ہو گا۔