تحریک انصاف نے پاکستان اور آزاد خطہ کی عوام کو مایوسی ، ناانصافی ، بد انتظامی اور دھونس و دھاندلی کی اندھیر نگری سے نکال کر روشن مستقبل کی جانب گامزن کرنے کا فیصلہ کیا ہے ‘عوام کا جو ق در جوق تحریک انصاف میں شامل ہو نا اس بات کا ثبوت ہے کہ عوام تبدیلی چاہتے ہیں آمدہ انتخابات میں تحریک انصاف مکمل سویپ کر کے حکومت بنائے گی

کھوئی رٹہ(اُردو پوائنٹ اخبار تازہ ترین۔09مارچ۔2015ء) تحریک انصاف کے رہنما سابق وزیر صحت و امیدوار اسمبلی چوہدری محمد رفیق نےئر نے کہا کہ تحریک انصاف نے پاکستان اور آزاد خطہ کی عوام کو مایوسی ، ناانصافی ، بد انتظامی اور دھونس و دھاندلی کی اندھیر نگری سے نکال کر روشن مستقبل کی جانب گامزن کرنے کا فیصلہ کر لیا ہے عوام کا جو ق در جوق تحریک انصاف میں شامل ہو نا اس بات کا ثبوت ہے کہ عوام تبدیلی چاہتے ہیں آمدہ انتخابات میں تحریک انصاف مکمل سویپ کر کے حکومت بنائے گی ‘بر سر اقتدار آکر عوام کے ترجیح بنیادوں پر مسائل حل کریں گے ان خیالات کا اظہار تحریک انصاف کے رہنما سابق وزیر صحت و امیدوار اسمبلی چوہدری محمد رفیق نےئر نے آزاد پریس کلب کھوئی رٹہ کے صحافیوں سے بات چیت کرتے ہوئے کیا سابق وزیر صحت نے کہا کہ اب غریب ، مظلوم اور بے بس عوام جو ظلم، مہنگائی ، کرپشن ، ناانصافی کی چکی میں پس رہے ہیں انہیں بنیادی حقوق مل سکیں گے دنیا کی کوئی طاقت سونامی کا راستہ نہیں روک سکتی موجودہ حکمرانوں نے منشور تو روٹی،کپڑ ا ور مکان کا دیا تھا لیکن عملی طور پر اقدامات یہ سب کچھ عوام سے چھیننے کے ہیں صحافیوں کے مختلف سوالوں کے جواب دیتے ہوئے انھوں کہا کہ آصف علی زرداری اور نواز شریف ایک ہی سکے کے دو رخ ہیں دونوں عوام کا پیسہ بیرون ممالک بینکوں میں بھرنے میں مصروف ہیں اور آزاد کشمیر میں چوہدری مجید اور فاروق حیدر عوام کے خون پسینے کی کمائی لاڑکانہ اور رائیونڈ چڑھانے میں مصروف ہیں آزاد کشمیر میں پی ٹی آئی کا قیام موروثیت کی سیاست کے خاتمے غریب عوام کی فلاح و بہبود میرٹ کی بالادستی بلخصوص نوجوانوں کے حقوق کے لیے عمل میں لایا گیا ضمنی انتخابات کے حوالہ سے انھوں نے کہا کہ عوام بیرسٹر سلطان محمود چوہدری کو تاریخی کامیابی دلا کر کرپشن ، لوٹ گھسوٹ کی سیاست کا ہمیشہ کے لیے خاتمہ کر دیں گے مجاور حکومت قائد کشمیر بیرسٹر سلطان محمود چوہدری کی مقبولیت سے خائف ہو چکی ہے ضمنی انتخابات میں اپنی شکست دیکھ کر راہ فرار اختیار کر نے کے بہانے ڈھونڈ رہی ہے لیکن بھاگنے نہیں دیں گیاسابق وزیر صحت چوہدری محمد رفیق نےئر نے (ر) ڈسٹرکٹ اینڈ سیشن جج چوہدری محمد اسحاق اور منیجنگ ڈائریکٹر الشفاء ڈاکٹر محمد ریاض کو تحریک انصاف میں شمولیت پر مبارکباد دیتے ہوئے کہا کہ دونوں اہم شخصیات تحریک انصاف کی مضبوطی کے لیے اپنا بھرپور کردار ادا کریں گے۔