محکمہ پبلک ہیلتھ ٹانک کی نااہلی اور لاپرواہی کے باعث ڈابرہ میں واٹر سٹوریج کو پانی سپلائی کرنے والی پائپ لائن ٹوٹ پھوٹ کا شکار،علاقہ مکین مضر صحت پانی پینے پر مجبور
بدھ 11 مارچ 2015 17:51
وانا (اُردو پوائنٹ اخبار تازہ ترین۔11مارچ۔2015ء) محکمہ پبلک ہیلتھ ٹانک کی نااہلی اور لاپرواہی کے باعث ڈابرہ میں قائم کئے گئے واٹر سپلائی سکیموں سے وارن کینال میں بنائے گئے واٹر سٹوریج کو پانی سپلائی کرنے والی پائپ لائن ٹوٹ پھوٹ کا شکار،علاقے کے مکین گدلا اور مضر صحت پانی پینے پر مجبور،وزیراعلیٰ خیبرپختونخواہ اور ڈی سی ٹانک کے اصلا ح احوال اور نوٹس لینے کا مطالبہ،تفصیلات کے مطابق ڈابرہ میں محکمہ پبلک پیلتھ کے بنائے گئے پانچ عدد واٹر سپلائی سکیموں سے وارن کینال میں کروڑوں کی لاگت سے تعمیرکردہ واٹر سٹوریج کو پانی سپلائی کرنے والے مین پائپ لائن گزشتہ کئی مہینوں سے ٹوٹ پھوٹ کا شکار اور گرہ پتھر پل کے قریب سیمنٹ ڈال کرمکمل طور پر بند کردیاگیاہے،جس کے باعث وارن کینال،اکاخیل کورونہ،محسود آباد،حبیب کورونہ،اپروارانہ،لوئر وارانہ،چدرھڑاور دیگر دیہاتوں کی ہزاروں نفوس پر مشتمل آبادی صاف پانی سے محروم ہیں،علاقے مکینوں کاکہناہے کہ کئی بار محکمہ پبلک ہیلتھ ٹانک کے دفتر جاکر ایکسئین ایس ڈی او اور سب اینجنئیرسے فریاد کرچکے ہیں،لیکین انہوں نے پائپ لائن کی مرمتی تو درکنار وہاں جاکر دیکھنے کی زحمت بھی گوارا نہ کی،علاقہ مکینوں کا کہناہے کہ صاف پانی نہ ہونے کے باعث عوام جھوہڑوں کا گدلا اور مضر صحت پانی پینے پر مجبور ہیں،جس سے ملیریاء،ٹائفائڈ،گیسٹرو،قے ودست ،یرقان،اوردیگر بیماریاں پھیلنے کا خدشہ ہے،علاقہ مکینوں نے الزام لگایاکہ ہرسال لاکھوں کا ایمنڈار فنڈزپائپ لائنوں کی مرمت کی بجائے بندربانٹ کی نذر ہوجاتی ہے، انہوں نے صوبے میں تبدیلی لانے کے دعویدار وزیراعلیٰ کے پی کے پرویز خٹک اور ڈپٹی کمشنر ٹانک احمد خان وزیر سے محکمہ پبلک پبلک ہیلتھ کے زمہ داروں کی اس غفلت لاپرواہی کے نوٹس لینے سمیت اصلاح احوال کا مطالبہ کیا۔
متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.