عمران خان امید کی کرن ہیں ‘سابقہ اداروں میں عوام کو استحصالی ٹولے نے مایوس کیا ‘عوام کے حقوق کو چھینا گیاذاتی تجوریاں بھری گئیں عوام کونان ایشوپر گمراہ کیا گیا ‘برادری ازم میں لوگوں کوتقسیم کیاگیا چند لوگوں نے پورے ملک وقوم کے حقوق ہڑپ کئے گئے اب عوام کوایک نجات دھندہ کے طورپر کپتان پاکستان عظیم ہجیرہ عمران خان کواپنا لیڈر بنایاہے

سابق وزیر صحت و سینئر سیاستدان سردارمحمداصغرآفندی کا کارکنوں سے خطاب

منگل 24 مارچ 2015 16:15

عباسپور (اُردو پوائنٹ اخبار تازہ ترین۔24مارچ۔2015ء ) سابق وزیر صحت و سینئر سیاستدان سردارمحمداصغرآفندی نے کہا ہے کہ عمران خان امید کی کرن ہیں ‘سابقہ اداروں میں عوام کو استحصالی ٹولے نے مایوس کیا عوام کے حقوق کو چھینا گیاذاتی تجوریاں بھری گئیں عوام کونان ایشوپر گمراہ کیا گیا ‘اقرباء پروری کوہوادی گئی برادری ازم میں لوگوں کوتقسیم کیاگیا چند لوگوں نے پورے ملک وقوم کے حقوق ہڑپ کئے گئے اب عوام کوایک نجات دھندہ کے طورپر کپتان پاکستان عظیم ہجیرہ عمران خان کواپنا لیڈر بنایاہے اب انشاء اللہ عمران خان ملک پاکستان میں عوامی راج قائم کرینگے اورآزادکشمیر کوآزادکشمیر کی تحریک کواپنی منزل مقصود تک پہنچائے گاکیونکہ اب عمران خان کیساتھ عظیم کشمیری لیڈر بیرسٹرسلطان محمود خان بھی عمران خان کے دست وبازہیں اب راج کریگی تحریک انصاف اورہرجگہ ہوگا انصاف کابول بولا ۔

(جاری ہے)

وہ گزشتہ روز یہاں کارکنان سے خطاب کررہے تھے۔ انہوں نے کہاکہ عمران خان ایک منجھے ہوئے سیاستدان اورپاکستانی اورکشمیری قوم کے مسائل سے بخوبی آگاہ ہیں بیرسٹرسلطان محموداورعمران خان دونوں اپنا ثانی نہیں رکھتے اب بفضل ربی دونوں عظیم قومی رہنما قوم کی تقدیربدل کررکھ دینگے عمران خان کے اقدامات سے لوٹ مار چوربازاری کے تمام راستے بندہوچکے ہیں اورعوام کی صاف شفاف رائے کواجاگر کیا جارہاہے اوریہ وہ شعور ہے جوقوم کوترقی کی جانب گامزن کرے گی۔