ڈپٹی کمشنر پشاور کی قصابوں کو حفظان صحت کے اصولوں کے مطابق اور سرکاری ریٹ پر گوشت کی فروخت کرنے کی ہدایت

ہفتہ 28 مارچ 2015 22:54

پشاور(اُردو پوائنٹ اخبار تازہ ترین۔28مارچ2015ء) ڈپٹی کمشنر پشاورریاض خان محسود کی زیر صدارت قصابوں کو حفظان صحت کے اصولوں کے مطابق اور سرکاری ریٹ پر گوشت کی فروخت یقینی بنانے کے حوالے سے اہم اجلاس منعقد ہوا جس میں ایڈیشنل ڈپٹی کمشنر پشاور اسامہ احمدوڑائچ  اسسٹنٹ کمشنر پشاور ممتاز احمد اورتمام ایڈیشنل اسسٹنٹ کمشنرز کے علاوہ قصاب برادری کے رہنماؤں صدر الحاج عبدالمالک نائب صدر مقصود خان قریشی  چئرمین فردوس خان جنرل سیکرٹری رسول خان  ڈپٹی جنرل سیکرٹری حاجی اسرار انور خان  اول زمان اور دیگر عہدیداروں نے شرکت کی جبکہ نمکنڈ ی ایسوسی ایشن کے صدر ناصر خان  حاجی خان باز اور ظفر اللہ شینواری کی سربراہی میں 20 رکنی وفد نے شرکت کی ۔

(جاری ہے)

اجلاس سے خطاب کرتے ہوئے ڈپٹی کمشنر پشاور ریاض خان محسود نے اجلاس سے خطاب کرتے ہوئے قصاب ایسوسی ایشن کو حفظان صحت کے اصولوں کے مطابق گوشت سرکاری ریٹ پر فروخت یقینی بنانے کے لئے یکم اپریل تک کی ڈیڈ لائن دیتے ہوئے مکمل عمل درآمد کرنے کے احکامات جاری کیں تاہم قصاب ایسوسی ایشن کی درخواست پر ڈیڈی لائن میں دس اپریل تک توسیع کرتے ہوئے دس اپریل کے بعد عمل درآمد نہ کرنے والوں کی دکانیں سیل کرنے اور قصابوں کو براہ راست جیل منتقل کرنے احکامات جاری کیں اس سلسلے میں القریش قصاب ایسوسی ایشن نے دس اپریل تک شیشہ لگانے اور الیکٹرانک سکیل ساتھ رکھنے کے لئے انتظامیہ کو مکمل یقین دہانی کرا ئی ڈپٹی کمشنر پشاور نے قصابوں کے مفاد میں تمام نجی مذبح خانوں کوبند کرنے کے لئے اے سی پشاور اورتمام ایڈیشنل اسسٹنٹ کمشنر وں کو روزانہ کی بنیاد پر چھاپے مارنے اور گھروں میں قائم نجی مذبح خانوں کو سیل کرنے کے احکامات جاری کیں اور روزانہ کی بنیاد پر رپورٹ طلب کرلی جبکہ قصابوں کی درخواست پر چھوٹے گوشت کے نئے نرخ کے تعین کے لئے اے اے سی محمد فواد کی سربراہی میں کمیٹی قائم کرنے اور ایک ہفتہ میں رپورٹ طلب کرلی جبکہ گیارہ اپریل کو پورے ضلع کے دورہ کرکے قصابوں کی دکانوں کا معائنہ کرنے کااعلان کیا اس موقع پر القریش بیف ایسوسی ایشن کے صدر اور نائب صدر نے ضلعی انتظامیہ کے ساتھ تعاون کا یقین دلایا۔

متعلقہ عنوان :