عوام کے مسائل کے حل کیلئے حکومت ہرممکن اقدامات کر رہی ہے ،میر رحمت صالح بلوچ
صوبے میں پولیو کا خاتمہ حکومتی ترجیحات میں شامل ہے ،کسی قسم کی غفلت ،کوتاہی برداشت نہیں کی جائیگی،وزیر صحت بلوچستان
بدھ 1 اپریل 2015 22:09
کوئٹہ ( اُردو پوائنٹ اخبار تازہ ترین۔یکم اپریل۔2015ء) صوبائی وزیر صحت میر رحمت صالح بلوچ نے کہا ہے کہ عوام کے مسائل کے حل کیلئے صوبائی حکومت ہرممکن اقدامات کر رہی ہے ،صوبے میں پولیو کا خاتمہ حکومت کی ترجیحات میں شامل ہے جس میں کسی قسم کی غفلت یا کوتاہی برداشت نہیں کی جائے گی۔ یہ بات انہوں نے بدھ کو اپنے دفتر میں مختلف علاقوں سے ہوئے وفود اور کوئٹہ میں جاری پولیو مہم کا جائزہ لینے کیلئے مختلف علاقوں کے دورے کے موقع پر بات چیت کرتے ہوئے کہی ۔
میررحمت صالح بلوچ نے کہا کہ صوبائی حکومت وزیراعلیٰ ڈاکٹر عبدالمالک بلوچ کی قیادت میں عوام کے مسائل کے حل کیلئے تمام دستیاب وسائل بروئے کار لارہی ہے عوام کو صحت ،تعلیم سمیت دیگر بنیادی سہولیات کی فراہمی حکومت کی ترجیحات میں شامل ہے۔(جاری ہے)
انہوں نے کہا کہ موجودہ حکومت نے اقتدار سنبھالتے ہی صحت اور تعلیم کے بجٹ میں کئی گنا اضافہ کیا جس سے عوام کو صحت اور تعلیم کی بہتر سہولیات کی فراہمی میں مدد ملی ہے۔
انہوں نے کہا کہ حکومت نے صوبے بھر میں اسکول داخلہ مہم شروع کر رکھی ہے والدین کو چاہئے کہ وہ اپنے بچوں کو سکولوں میں داخلہ کرائیں تاکہ وہ پڑھ لکھ کر ملک کی باگ دوڑ سنبھال سکیں۔ میر رحمت بلوچ نے پولیو ورکرز سے بات چیت کرتے ہوئے کہا کہ صوبے سے پولیو کا خاتمے کیلئے مرحلہ وار پولیو مہم چلائی جارہی ہے جس کے مثبت نتائج سامنے آرہے ہیں بلوچستان واحدصوبہ ہے جہاں صوبائی وزراء ، ارکان اسمبلی اورمختلف محکموں کے سیکرٹریز خود پولیو مہم کی نگرانی کر تے ہیں۔ انہوں نے کہا کہ سابقہ دور میں پولیو مہم کو کاروبار کے طور پر استعمال کیا گیا لیکن میں نے محکمہ صحت کا قلمدان سنبھالتے ہی پولیو مہم کے موثر انداز میں چلانے کیلئے اقدامات کئے۔ انہوں نے کہا کہ والدین کو چاہئے کہ وہ بچوں کو پولیو سے بچاؤ کے قطرے پلانے کیلئے محکمہ صحت کی ٹیموں کے ساتھ تعاون کریں تاکہ معصوم بچے عمر بھر کی معذوری سے بچ سکیں۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.