مائیکروسافٹ ٹیکنالوجیزکا آغا خان یونیورسٹی میں ہیلتھ کیئرکے معیارکوبہتربنانے کا وعدہ

کراچی (اُردو پوائنٹ اخبار تازہ ترین۔03 اپریل۔2015ء) مائیکروسافٹ پاکستان نے حال ہی آغا خان یونیورسٹی اوراس کے ٹیچنگ ہسپتال آغا خان یونیورسٹی ہسپتال میں اپنے انتہائی جدید ٹیکنالوجی پلیٹ فارم کی نمائش کیلئے تقریب کا اہتمام کیا ۔یہ پلیٹ فارم بنیادی بزنس پراسسزکی موثریت کو سہل بنانے کیلئے ڈیزائن اورآخری صارفین کو بہترکارکردگی دکھانے کے قابل بناتا ہے۔

ان جدید سلوشنزکا استعمال عوام کیلئے ہیلتھ سروسزکی انتہائی موثر ترسیل کو یقینی بنا تا ہے۔تقریب میں مقررین نے مختلف منظرنامے پیش کئے جہاں مائیکروسافٹ کی جدیدترین ٹیکنالوجیز پوری دنیا میں ہیلتھ کیئرسروسزکو تبدیل کرنے میں ایک اہم کردار ادا کر رہی ہیں ۔مائیکروسافٹ کے یونیفائیڈ سلوشنز اورکلاؤڈ کمپیوٹنگ پلیٹ فارم کے نفاذ سے میڈیکل پروفیشنلز چوبیس گھنٹے،حتی کہ دوران سفر بھی معلومات اور مواد کی لامتناہی مقدار تک رسائی ، تخلیق، شیئر اور ذخیرہ کرنے کے قابل ہوں گے۔

(جاری ہے)

مقررین نے مکمل ڈیٹا سکیورٹی کے ساتھ، ٹیموں، تنظیموں اور نیٹ ورکس میں رابطہ کاری کے لئے مائیکروسافٹ کے متعارف کردہ جدید اختراعی میڈیمز پر بھی روشنی ڈالی۔کسی بھی ادارہ میں ہرآخری صارفین بھی سمارٹ ڈیوائسزکی بہت سی اقسام کے ذریعے مضبوط کنکٹیوٹی سے لطف اندوزہونے کے قابل ہوجائیں گے کیونکہ یہ سلوشنز انٹرپرائز پراڈکٹیوٹی کی ایک انقلابی دورکی عکاسی کرتے ہیں۔

مائیکروسافٹ پاکستان کے کنٹری انٹرپرائزسربراہ عابد زیدی کا کہنا تھا کہ ہم آغاخان یونیورسٹی میں مائیکروسافٹ کی تازہ ترین ہیلتھ کیئر سلوشنز متعارف کرانے کے موقع کی فراہمی کوسراہتے ہیں ۔انھوں نے کہا کہ مائیکروسافٹ نے ہیلتھ کیئرانسٹیٹیوسنزکی ترقی کو تیز کرنے کیلئے متعدد طاقتورسلوشنز تخلیق کئے ہیں ۔ ہماری انتہائی محفوظ، صارف دوست اور لچکدار ٹیکنالوجی کے فوائد انتہائی مناسب اور ڈاکٹروں، نرسز اور طالب علموں کیلئے انھیں آسانی سے اپنانیکیلئے موزوں ترین ہیں ۔

ان سلوشنزکو استعمال کرتے ہوئے ہیلتھ کیئرپروفیشنلز مختلف پلیت فارمز، مخلتف طریقوں اورکثیر ڈیوائسزسے معلومات کو شیئرکرسکتے ہیں جو استعداد کارمیں اضافہ ، سفری اخراجات میں کمی اورمریضوں کی دیکھ بھال کوبہتربنانے میں مدد فراہم کرتے ہیں۔آغا خان یونیورسٹی اورہسپتالوں میں چیف انفارمیشن آفیسرکرس ہینڈلی کا کہنا ہے کہ آغا خان یونیورسٹی میں انفارمیشن ٹیکنالوجی کی ٹیم طبی خدمات کے متنوع سلسلے کی فراہمی کے لئے اعلی ترین ٹیکنالوجی کی شمولیت کیلئے متعدد اقدامات اٹھا رہی ہے ۔

ہم ہسپتال کی کارکردگی میں اضافے کیلئے انتہائی پرکشش سلوشنز اورتجاویزکی پیشکش پر مائیکروسافٹ کا شکریہ ادا کرتے ہیں۔ انھوں نے کہا کہ آغاخان یونیورسٹی ایک ترقی پسند نقطہ نظررکھتی ہے جہاں پر ہم بلارکاوٹ کنیکٹوٹی اور ڈیٹا کے اشتراک کو یقینی بنانے کے لئے ابھرتی ہوئی ٹیکنالوجی کے حصول کی کوشش کرتے ہیں جبکہ ہم مریضوں کو جامع اورذاتی ہیلتھ کیئر تجربات فراہم کرنے کیلئے درکار علم سے لیس اورکنٹرول کرتے ہیں۔

مقررین نے آغاخان یونیورسٹی کی جانب سے مائیکروسافٹ کے ”بگ ڈیٹا اینڈ اینائلٹکس“ سلوشنزکے استعمال سے طبی ماہرین اور کاروباری فیصلہ سازوں کو بہتر نقطہ نظرکی فراہمی پربھی روشنی ڈالی جو پوری دنیا میں ہیلتھ کیئرانڈسٹری کوبااختیاربنارہی ہے۔انھوں نے کہا کہ آلات سے ڈیٹا تک آسان رسائی فوری فیصلہ سازی کی اجازت دیتی ہے اور عملہ مریضوں کی دیکھ بھال پر زیادہ توجہ مرکوزکرسکتا ہے۔

مائیکروسافٹ کے ”انٹرپرائز موبلٹی سویٹ“ کلاوٴڈ پر مبنی آئیڈینٹی سروسزپرفوری اورمکمل کنڑول اور موبائل ڈیوائس مینجمنٹ کیلئے انٹرپرائزسطح پرآسان معاونت اور تعمیل کا وعدہ کرتا ہے ۔”مائیکروسافٹ ان ایجوکیشن “ کا پہل قدم بھی بہتر تعلیمی نتائج کے لئے پوری دنیا میں طلباء اورایجوکیٹرزکو اپنی تمام ترصلاحیتوں کے ادراک میں مددکیلئے ایک بہت بڑا اثر(امپیکٹ) فراہم کرتا ہے۔