حکومت کی بہترین پالیسیوں کے باعث ملک ترقی کی راہ پر گامزن ہے، بلدیاتی انتخابات میں مسلم لیگ ن کامیاب ہوگی، تعلیم، صحت اور عوام کو انصاف کی فراہمی کے حوالے سے وزیراعظم کی کاوشیں لائق تحسین ہیں

بدھ 8 اپریل 2015 18:57

سرگودہا (اُردو پوائنٹ اخبار تازہ ترین۔08 اپریل۔2015ء) حکومت کی بہترین پالیسیوں کے باعث ملک ترقی کی راہ پر گامزن ہے۔ بلدیاتی انتخابات میں کنٹونمنٹ بورڈ کی تمام سیٹیں پرمسلم لیگ ن کامیاب ہوگی۔ تعلیم، صحت اور عوام کو انصاف کی فراہمی کے حوالے سے وزیراعظم نوازشریف کی کاوشیں لائق تحسین ہیں۔ ان خیا لات کا اظہار رکن قومی اسمبلی ڈاکٹر ذوالفقار علی بھٹی نے اپنے ایک بیان میں کیا۔

انہوں نے کہا کہ شریف برادران نے ملک کو ترقی کی راہ پر گامزن کرنے کے لئے دن رات محنت کی جس کے نتیجے میں آج پاکستان ترقی یافتہ ممالک کی صف کھڑا ہے۔

(جاری ہے)

بجلی ، گیس اور پٹرول کے مصنوعی بحران کا خاتمہ کر کے حکومت نے عوامی مینڈیٹ کا احترام کیا ہے اور آئندہ بھی مسلم لیگ ن کی حکومت عوامی توقعات پر پورا اتریگی۔ مسلم لیگ (ن) نے بے گھر افراد کیلئے آشیانہ ہاوٴسنگ سکیم، بیروز گاروں کیلئے خود روزگار سکیمیں شروع کی ہیں جن میں ییلو کیب، گرین روزگار سکیم اور قرض حسنہ کی دیگر سکیمیں شامل ہیں۔

انہوں نے کہا کہ خادم پنجاب دیہی روڈز پروگرام صوبہ پنجاب کے زمینداروں ،کسانوں اور عوام کیلئے حکومت پنجاب کا شاندار تحفہ ثابت ہوگا۔ عوام کو درپیش مسائل کا پائیدار حل مسلم لیگ ن کی حکومت کی ہمیشہ بنیادی ترجیح رہی ہے۔

Facebook Twitter Google + Share on Whatsapp

متعلقہ عنوان :

مزید اہم خبریں