وزیر اعلیٰ کے ویژن کی تکمیل کے لئے محکمہ صحت میں پی آئی ٹی بی کاکردارقابل تحسین ہے‘ خواجہ سلمان رفیق
پی آئی ٹی بی محکمہ صحت کے21منصوبوں پر کامیابی سے عملدرآمد کر رہا ہے ‘ڈاکٹر عمر سیف ودیگر رہنماؤں کا اجلاس سے خطاب
جمعہ 10 اپریل 2015 21:55
لاہور(اُردو پوائنٹ اخبار تازہ ترین۔10 اپریل۔2015ء ) مشیر صحت پنجاب خواجہ سلمان رفیق نے کہا ہے کہ خادم پنجاب محمد شہباز شریف کی خواہش ہے کہ سرکاری ہسپتالوں میں ڈاکٹروں اور عملے کی حاضری کو بہتر بنانے اور عوام کو صحت کی بہترین سہولتیں فراہم کرنے کے لئے محکمہ صحت کے تمام شعبوں کی الیکٹرانک مانیٹرنگ کی جائے، وہ ارفع سافٹ ویئر ٹیکنالوجی پارک میں پنجاب انفارمیشن ٹیکنالوجی بورڈ کے اشتراک سے شروع کیے گئے محکمہ صحت پنجاب کے منصوبوں کے جائزہ کے لئے منعقدہ اجلاس کی صدارت کر رہے تھے۔
چیئرمین پی آئی ٹی بی ڈاکٹر عمر سیف،سیکریٹری صحت جواد رفیق ملک اور دیگر افسران بھی اس موقع پر موجود تھے۔خواجہ سلمان رفیق نے کہا کہ وزیر اعلیٰ کے ویژن کی تکمیل کے لئے محکمہ صحت کی تیز ترین ترقی میں پی آئی ٹی بی نے قابل تحسین کردار ادا کیا ہے ۔(جاری ہے)
انہوں نے کہا کہ وزیر اعلیٰ کی ہدایت پر 6اضلاع میں کام کرنے والے موبائل ہیلتھ یونٹوں کی مانیٹرنگ پی آئی ٹی بی سے کرائی جائے گی جبکہ مزید دس بارہ اضلاع میں بھی جلدموبائل ہیلتھ یونٹ شروع کیے جا رہے ہیں۔
ڈاکٹر عمر سیف نے بریفنگ دیتے ہوئے بتایا کہ پی آئی ٹی بی ڈینگی، پولیو ویکسی نیشن ،ہیلتھ واچ، میڈیسن انونٹری سسٹم،متعدی بیماریوں کی نگرانی، آٹومیشن اورسمارٹ مانیٹرنگ سمیت محکمہ صحت کے21منصوبوں پر کامیابی سے عملدرآمد کر رہا ہے۔ انہوں نے کہا کہ پنجاب میں تحصیل اور ضلعی ہسپتالوں میں بائیو میٹرک حاضری کا نظام شروع کیا جا رہا ہے، جس سے ڈاکٹروں اور عملے کی حاضری کا نظام بہتر ہو گا اورنتیجتاً سرکاری ہسپتالوں کی کار کردگی میں بھی بہتری آئے گی۔ انہوں نے کہا کہ پنجاب میں پولیو کے مکمل خاتمے کے لئے پی آئی ٹی بی عالمی بینک کے تعاون سے پولیو مانیٹرنگ سسٹم لا رہا ہے ۔ ڈاکٹر عمر سیف نے کہا کہ اینڈرائڈ ایپلیکیشن اور ڈیجیٹل ٹیکنالوجی نے عوامی سہولیات میں بہتری کو حیرت انگیز طور پر یقینی بنایا ہے اور پی آئی ٹی بی پنجاب میں مثبت تبدیلی لانے میں ہر ممکن کوشش کر رہا ہے۔سیکریٹری صحت پنجاب نے کہا کہ پی آئی ٹی بی کے آئی ٹی بیسڈ منصوبوں کی ماضی میں مثال نہیں ملتی، ان سے محکمے کی کارکردگی اور فیصلہ سازی کا عمل بہت بہتر ہوا ہے۔انہوں نے کہا کہ ان منصوبوں کی تفصیل آئندہ ماہ ابو ظہبی میں ہونے والی انٹرنیشنل ہیلتھ مانیٹرنگ کانفرنس میں بھی پیش کی جائے گی۔متعلقہ عنوان :
مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.