درگئی‘ خانوڑی میں ڈسپنسری کے قیام سے علاقے کے عوام کو صحت کی سہولیات فراہمی یقینی ہوجائے گی‘سید محمد علی شاہ باچہ

درگئی( اُردو پوائنٹ اخبار تازہ ترین۔12 اپریل۔2015ء )چیئرمین ڈیڈک مالاکنڈ اور پاکستان پیپلز پارٹی کے صوبائی پارلیمانی لیڈر سید محمد علی شاہ باچہ نے کہا ہے کہ خانوڑی میں ڈسپنسری کے قیام سے علاقے کے عوام کو صحت کی سہولیات فراہمی یقینی ہوجائے گی۔خانوڑی کے عوام اپنے بچوں کو پولیو کے قطرے پلوانے کے لئے محکمہ صحت کے ساتھ بھر پور تعاون کریں ۔

خانوڑی روڈ پر مجموعی طور پر 45کروڑ روپے کی لاگت آئے گی۔ 13سالہ دور اقتدار میں خانوڑی کے عوام کی بے لوث خدمت کی ہے۔ عوام کی جانب سے تیسری بار منتخب کرنے کی عزت افزائی میرے لئے بڑا اعزاز ہے۔ اتمان خیل کے علاقوں کی پسماندگی اور محرومیوں کے خاتمے کے لئے عملی جدوجہد کی ہے۔ سکولوں کالجوں سڑکوں کے قیام ، پینے کی پانی کی فراہمی کی سکیموں اور دیگر ترقیاتی منصوبوں کے ذریعے اتمان خیل علاقوں کو دیگر علاقوں کے برابر لا کھڑا کیا ہے۔

(جاری ہے)

ماضی میں اتمان خیل کے عوام سے قومیت کے نام پر ووٹ لینے والوں نے ان کے لئے کچھ نہیں کیا۔ عوام بدلیاتی انتخابات میں پیپلز پارٹی کے نامزد امیدواروں کو بھاری اکثریت سے کامیاب کرکے ان کا بھر پور ساتھ دیں۔ ان خیالات کا اظہار سید محمد علی شاہ باچہ نے خانوڑی میں گورنمنٹ سول ڈسپنسری کے قیام کے بعد افتتاحی تقریب سے خطاب کرتے کیا۔ اس موقع پر ڈسٹرکٹ ہیلتھ آفیسر مالاکنڈ ڈوکٹر محمد وکیل خان ، ایکیسن سی اینڈ ڈبلیو پیر محمد خان ، ایس ڈی او سی اینڈ ڈبلیو فواد بلال، پیپلز پارٹی کے رہنماؤں فضل حق، سیف اللہ شہاب ، خانوڑی کے علاقہ عمائدین بہادر خان عمر خیل، حاجی طور گل ، عبد المالک ، سابقہ کونسلر خان بہادراور دیگر نے بھی خطاب کیا۔

اس موقع پر ڈی ایچ او مالاکنڈ ڈاکٹر محمد وکیل خان نے علاقے میں خواتین پولیو ورکرز کی ڈیوٹی لگانے ، تمام بچوں کو ہر بار پولیو کے قطرے باقاعدگیء سے پلوانے ، تمام بچوں کو حفاظتی ٹیکے لگوانے کے لئے انتظامات، ڈسپنسری میں میڈیکل سٹاف پوری کرنے سمیت تمام تکنیکی پہلووں پر تفصیلی بحث کی اور عوام سے اس سلسلے میں محکمہ صحت کے ساتھ تعاون کرنے اور محکمہ صحت کی جانب سے عوام کو خانوڑی جیسے دو افتادہ علاقوں میں صحت کی سہولیات، CMNWاور MNCHپراجیکٹوں کے ذریعے حاملہ خواتین کو 2700روپے فی کس امدادی پیکیج دینے کے حوالے سے تفصیلی بریفنگ دی۔

اس موقع پر علاقے کے عوام اور عمائدین نے چیرمین ڈیڈک سید محمد علی شاہ باچہ کو خصوصی شکریہ اداء کیا اور کہا کہ ماضی کے کسی بھی سیاسی منتخب قیادت نے خانوڑی کے عوام کی ترقی کے لئے انقلابی اقدامات نہیں کئے ہیں واحد پیپلز پارٹی کی منتخب قیادت ہے جو یہاں کے عوام کی ترقی کے لئے عملی اقدامات کرررہی ہیں جس کے بدلے خانوڑی کے عوام صرف پیپلز پارٹی کو ہی سپورٹ کرتی رہے گی۔

سید محمد علی شاہ باچہ نے اس موقع پر علاقے میں 6واٹر ہینڈ پمپس لگانے ، سر جغڑے کے لئے ٹرانسفارمرز اور بجلی فراہمی کے منصوبوں کے بھی اعلانات کئے اور کہا کہ خانوڑی روڈ پر پہلے مرحلے میں اس جون تک 6کروڑ روپے کی لاگت سے 4کلومیٹر روڈ کی پختگی کا عمل پورا کرلیں گے جبکہ روڈ کی کشادگی ، پغتکی ، ڈنگہ وال کی تعمیر سمیت جگہ گہ کئی پل قائم کرنے پر مجموعی طور پر 45کروڑ روپے کی خطیر رقم خرچ کریں گے سج سے علاقے کے عوام کو 14کلومیٹر کی بین الاقوامی معیار کی روڈمل جائے گی۔