Live Updates

سونامی میر پور سے ہوتی ہوئی ہٹیاں بالا میں داخل ہو چکی ہے ڈینگیں مارنے والے اور نسل در نسل عوام کو بیوقوف بنانے والوں کو اپنی شکست صاف دکھائی دے رہی ہے ‘آنے والا دور تحریک انصاف کا ہے

تحریک انصاف آزاد کشمیر کے مر کزی رہنما چوہدری زاہد فرید کی پریس کلب ہٹیاں با لا میں صحا فیوں سے بات چیت

منگل 14 اپریل 2015 15:04

ہٹیاں بالا(اُردو پوائنٹ اخبار تازہ ترین۔14 اپریل۔2015ء ) تحریک انصاف آزاد کشمیر کے مر کزی راہنما متوقع ٹکٹ ہولڈر چوہدری زاہد فرید نے پریس کلب ہٹیاں با لا میں صحا فیوں سے بات چیت کر تے ہوئے کہا کہ سونامی میر پور سے ہوتی ہوئی ہٹیاں بالا میں داخل ہو چکی ہے ڈینبگیں مارنے والے اور نسل در نسل عوام کو بیوقوف بنانے والوں کو اپنی شکست صاف دکھائی دے رہی ہے آنے والا دور تحریک انصاف کا ہے تحریک انساف آزاد خطہ میں حقیقی تبدیلی کی خواہاں ہے اور آزاد خطہ کے عوام پر مسلط نام نہاد عوامی نمائندوں نے گزشتہ چھ دہائیوں سے آزاد خطہ کے عوام کیلئے کچھ نہیں کیا تحریک انصاف ان ساری محرومیوں کا بہتر ازالہ کرے گی ہمارا اگلا حدف آزادکشمیر میں ہونے والے عام انتخابات ہیں چار حکومتوں وفاق ،پنجاب،سند ھ اور آزادکشمیر کو شکست دے کر آزاد کشمیر کے باشعور عوام نے ثابت کر دیا کہ آزاد خطہ کے عوام تبدیلی کے خواہاں ہیں میر پور میں بھرپور حکومتی وسائل بروئے کار لائے گئے مسلم لیگ ن اور پیپلز پارٹی گٹھ جوڑ کے باوجود تحریک انصاف کو فتح نصیب ہوئی جس پر اللہ کے حضور شکر بجا لاتے ہوئے اس بات کا عہد کرتے ہیں کہ آزاد کشمیر بھر کے عوام کو کرپٹ سیاستدانوں سے نجات دلانے کیلئے مزید جدوجہد تیز کریں گے ہمارا اگلا حدف آزاد کشمیر کے آئندہ ہونے والے عام انتخابات ہیں چوہدری زاہد فریدنے کہا ہے کہ کارکنان قائد کشمیر بیرسٹر سلطان محمود چوہدری کی ولولہ انگیزقیادت میں متحد ومنظم ہے ۔

Live پاکستان تحریک انصاف سے متعلق تازہ ترین معلومات