جعلی اور غیر معیاری ادویات کی روک تھام کیلئے ڈویژنل ٹاسک فورس قائم کر دی گئی
کمشنر راولپنڈی ڈویژن زاہد سعید سربراہی کرینگے
منگل 14 اپریل 2015 20:45
راولپنڈی( اُردو پوائنٹ اخبار تازہ ترین۔14 اپریل۔2015ء)جعلی اور غیر معیاری ادویات کی روک تھام کے لیئے کمشنر راولپنڈی ڈویژن زاہد سعید کی سربراہی میں ڈویژنل ٹاسک فورس قائم کر دی گئی ہے․ کمشنر راولپنڈی زاہد سعید اس ٹاسک فورس کے ڈویژنل کنوینر ہوں گے ․ جبکہ ارکان صوبائی اسمبلی محمد شاویز خان, محمد ذوالفقار , ڈائریکٹر ہیلتھ سروسز راولپنڈی ڈویژن ڈاکٹر سعیدہ خاتون, راولپنڈی , جہلم , اٹک اور چکوال کے ای ڈی او ز ہیلتھ ڈاکٹر خالد رندھاوا, ڈاکٹر مسرت حسین, ڈاکٹر سلطان محمود عالمگیر, ڈاکٹرمحمد آصف , چیف فارماسسٹنٹ و ڈرگ کنٹرولر راولپنڈی محمد شعیب اختر , سیکرٹری ڈویژنل کوالٹی کنٹرول بورڈ مدیحہ خالد اس ٹاسک فورس کے ارکان میں شامل ہیں․ڈویژنل ٹاسک فورس برائے جعلی و غیر معیاری ادویات کی روک تھام کا پہلا اجلاس کنوینر و کمشنر راولپنڈی زاہد سعید کی زیر صدارت منعقد ہوا جس میں ٹاسک فورس کے ارکان کے علاوہ انتظامیہ کے متعلقہ افسران نے شرکت کی․کمشنر راولپنڈی زاہد سعید نے اجلاس سے خطاب کرتے ہوئے کہا کہ پنجاب حکومت نے غیر معیاری اور جعلی ادویات کی روک تھام کے لیئے ڈویژنل سطح پر ٹاسک فورس قائم کرنے کا مقصد پبلک اور پرائیویٹ سیکٹر میں فراہم کی جانے والی ادویات کی کوالٹی اور معیار کو یقینی بنانا اور غیر معیاری, غیر قانونی اور جعلی ادویات کی تیاری , سپلائی اور فروخت کی موثر طور پر روک تھام کرنا ہے․ انہو ں نے کہا کہ وزیر اعلی پنجاب محمد شہباز شریف کا وژن ہے کہ عوام کو بہتر اور معیاری صحت کی سہولیات میسر آئیں․ انہوں نے کہا کہ ٹاسک فورس کے ارکان غیر معیاری اور جعلی ادویات کی تیاری, سپلائی اور فروخت سے متعلق تازہ ترین ڈیٹا اور معلومات جمع کریں اور اس کے سدباب اور روک تھام کے لیئے قانون کے تحت اقدامات اٹھائیں ․جعلی اور غیر معیاری ادویات کے ٹاسک فورس کے کنوینر نے کہا کہ میڈیکل سٹورز کے مالکان ڈاکٹرز کے نسخے کے بغیر ادویات نہ فروخت کریں انہو ں نے کہا کہ جعلی ادویات کی چیکنگ کے دوران کسی کو بھی بے جا ہراساں نہیں کیا جائے گا․ انہوں نے کہا کہ شہر اور دیہی علاقوں میں عطائی ڈاکٹرو ں کے خلاف اور بغیر لائسنس اور قانونی تقاضے پورے نہ کرنے والے میڈیکل سٹورز کے مالکان کے خلاف قانون کے مطابق کاروائی کی جائے گی․ انہونں ے کہا کہ حکومتی ہدایات کی روشنی میں اہداف مقرر کر کے جعلی اور غیر معیاری ادویات کے سدباب اور روک تھام کے لیئے کام کیا جائے ۔
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.