کور کمانڈر ، وزیر اعلی سندھ کینسر میں مبتلا استاد نظر محمد بلوچ کی فوری طور پر مالی مدد کریں ،اولمپک ریفری جج علی اکبر شاہ قادری

کراچی(اُردو پوائنٹ اخبار تازہ ترین۔ 18اپریل۔2015ء) پاکستان باکسنگ فیڈریشن کی ریفری ججز کمیشن کے چیئرمین اور اولمپک باکسنگ ریفری جج علی اکبر شاہ قادری نے کور کمانڈر کر اچی،ڈی۔جیٍ سندھ رینجرزٍ میجر جنرل بلال اکبر اور وزیر اعلی سندھ سید قائم علی شاہ سے اپیل کی ہے کہ لیاری سے تعلق رکھنے والے پاکستان کے سابق باکسرٍ اور انٹرنیشنل باکسنگ کوچ استاد نظر محمد بلوچ جوکہ کینسر کی وجہ سے سخت بیمار ہیں،انکی لیاری میں انکے گھر جاکر فوری طور پر استادٍ نظرٍ بلوچ کی مالی مدد کی جائے۔

گذشتہ ماہ میجر جنرل بلال اکبر نے پیپلز اسٹیڈیم لیاری کے اس باکسنگ کلب میں ٹورنامنٹ منعقد کیا تھا جس میں استاد نظر بلوچ چالیس برس تک کوچنگ کرتے رہے،لیکن انتہائی افسوس کے ساتھٍ میجر جنرل بلال اکبر کی توجہ مبذول کروانا چاہتا ہوں کے چند مفاد پرست عناصر نے اپنے ذاتی بغض کی خاطر کینسر کے مرض میں مبتلا استاد نظر محمد اور انکے انٹرنیشنل باکسر بیٹوں کو نظر انداز کرکے کور کمانڈر کراچی اور ڈی۔

(جاری ہے)

جیٍ سندھ رینجرزٍ کی جانب سے لیاری کے لیجنٹ باکسروں کو دی جانے والی دس لاکھ روپئے کی رقمٍ سے انکا نام نکال دیا۔اگر سندھ رینجرز کی نیک کاوشوں کو ذ اتی عناد کی بھینٹ نہ چڑہایا جاتا تو کور کمانڈر کراچی کی جانب سے دی جانے والی نقد رقم میں استاد نظر محمد کو کچھ سہارا مل جاتا۔میں وزیر اعلی سندھٍ سید قائم علی شاہ سے بھی خاص اپیل کرتا ہوں کہ وہ لیاری میں اپنے جلسے سے قبل بغدادی شاہ بیگ لائین لیاری میں کود استاد نظر کے گھر جاکر انکو مالی امداد کی رقم دیں۔سندھ حکومت کے اس اقتدام سے وہ لیاری کی عوام کا دل جیت لینگے۔