پیپلز پارٹی مظلوم و محروم طبقات کی واحد ترجمان سیاسی پارٹی ہے جس کے جھنڈے تلے ہر رنگ ، نسل اور مکتبہ فکر سمیت تمام مذہبی اقلیتیں متحد ہیں، پیپلز پارٹی کراچی ڈویژن کے جنرل سیکریٹری سید نجمی عالم

بدھ 22 اپریل 2015 21:13

کراچی(اُردو پوائنٹ اخبارتازہ ترین - آئی این پی 22اپریل۔2015ء) پاکستان پیپلز پارٹی کراچی ڈویژن کے جنرل سیکریٹری سید نجمی عالم، سیکریٹری اطلاعات لطیف مغل، ڈپٹی سیکریٹری اطلاعات سید منظور عباس، شعبہ خواتین کی صدر فرزانہ بلوچ اور پاکستان پیپلز پارٹی میڈیا سیل کے رکن ذوالفقار قائم خانی نے 26 اپریل کو ککری گراؤنڈ لیاری میں ہونے والے عظیم الشان جلسہ کے سلسلے میں شہر کے مختلف علاقوں کا دورہ کیا۔

اس موقع پر انہوں نے پارٹی کے کارکنوں اور عہدیداروں سے ملاقات کی اور انہیں اپنے اپنے علاقوں میں رابطہ مہم تیز کرنے کی ہدایات جاری کیں۔ محمود آباد، چنیسر گوٹھ ،گارڈن ، نی آباد، پاک کالونی میں علاقہ مکینوں نے پاکستان پیپلز پارٹی کے قائدین کو خوش آمدید کہتے ہوئے جلسے میں اپنی بھرپور شرکت کایقین دلایا۔

(جاری ہے)

اس موقع پر سید نجمی عالم نے کہا کہ پاکستان پیپلز پارٹی مظلوم و محروم طبقات کی واحد ترجمان سیاسی پارٹی ہے جس کے جھنڈے تلے ہر رنگ ، نسل اور مکتبہ فکر سمیت تمام مذہبی اقلیتیں متحد ہیں۔

انہوں نے کہا کہ عوام پاکستان پیپلز پارٹی کی اصل طاقت ہیں اور پیپلز پارٹی نے اپنے ہر دور حکومت میں عوام کی امنگوں کی ترجمانی کی ہے۔ انہوں نے کہا کہ ککری گراؤنڈ لیاری کا جلسہ کسی کے خلاف نہیں ہے بلکہ یہ پیپلز پارٹی کے شریک چیئرمین آصف علی زرداری کی اہلیان لیاری سے والہانہ محبت کا اظہار ہے جس میں کراچی کے عوام بالعموم جبکہ لیاری کے باسی بلخصوص اپنی بھرپور شرکت سے پی پی مخالف قوتوں کو لاجواب کر دینگے۔

Facebook Twitter Google + Share on Whatsapp

متعلقہ عنوان :

مزید اہم خبریں