پی اے آر سی آئندہ سال فروری اور مارچ میں پانچ لاکھ کیلے کے وائرس فری ٹشو کلچر پودے کسانوں کو مہیا کرے گی
اٹھارویں ترمیم کے بعد صوبوں کے پاس اس حد تک وسائل ہیں کہ وہ زراعت کے شعبے کو نئی طرز سے ہمکنار کر سکتے ہیں،سکندر حیات بوسن
اتوار 26 اپریل 2015 13:55
اسلام آباد،حیدر آباد (اُردو پوائنٹ اخبار تازہ ترین۔26اپریل۔2015ء) اٹھارویں ترمیم کے بعد صوبوں کے پاس اس حد تک وسائل ہیں کہ وہ زراعت کے شعبے کو نئی طرز سے ہمکنار کر سکتے ہیں۔ ہمیں آئندہ سال 2015-16 کے بجٹ کو کسان دوست بجٹ بنانے کے لیے بہت کاوش کرنی ہو گی۔ آنے والا بجٹ کسان دوست بجٹ ہو گا جس سے زراعت کے شعبے کو بڑ ھوتی ملے گی۔ اس بات کا اظہار وفاقی وزیر ِ برائے قومی تحفظِ خوراک و تحقیق ، جناب سکندر حیات بوسن نے حیدر آباد میں مینگو ایکسپورٹ سیمینار اور کیلے کے ٹشو کلچر پودوں کی تقسیم کی تقریب کے موقع پر کیا۔
تقریب کا انعقاد پاکستان زرعی تحقیقاتی کونسل نے آل پاکستان آم کے درآمد اور برا ٓمدکنندگان کے تعاون سے کیا گیا۔ انہوں نے کہا کہ سائنسدانوں کو اس شعبے میں انتہائی محنت سے کام کرنا ہو گا اور اس شعبے کو مزید تقویت دینے کے لیے اپنا حصہ ڈالنا ہو گا۔(جاری ہے)
انہوں نے کہا کہ اٹھارویں ترمیم کے بعد صوبوں کو اس شعبے کے لحاظ سے خود مختاری حاصل ہے اور وہ تمام وسائل کو بروئے کار لا سکتے ہیں۔
وفاقی وزیر نے کہا کہ 90 میلین کی لاگت سے ایک پراجیکٹ شروع کیا جائے گا جسکی وجہ سے بیماریوں سے پاک کینو، آلو اور چاول کی فصلات کی پیداوارمزید حد تک ممکن ہو گی۔ اس موقع پر خطاب کرتے ہوئے جناب سیرت اصغر ،وفاقی سیکرٹری برائے قومی تحفظِ خوراک و تحقیق نے کہا کہ ہماری وزارت عالمی منڈیوں میں اپنی زرعی مصنوعات کی بہتر مارکیٹ کے لیے ہر ممکن اقدام اُٹھا رہی ہے۔انہوں نے کہا کہ بر آمد کیے جانے والے فروٹ کو لکڑی کے ڈبوں میں بند نہ کیا جائے اس سے فروٹ کو نقصان پہنچتا ہے۔ اس موقع پر خطاب کرتے ہوئے چئیرمین پاکستان زرعی تحقیقاتی کونسل ، ڈاکٹر افتخار احمد نے کہا کہ ہم کو نئی تحقیق کے نتائج، جدت، ایجادات اور تصدیق شدہ بیج کسان کی دہلیز تک مہیا کرنے ہونگے تا کہ زراعت کو جدید خطوط پر استوار کیا جا سکے۔ انہوں نے کہا کہ سندھ کی زمین تمام قسم کی سبزیوں اور فروٹ کی پیداوار کے لیے ہر لحاظ سے موزوں ہے ضرورت صرف اس امر کی ہے کہ اس زمین کی خصوصیت کو تب ہی استعمال میں لایا جا سکتا ہے جب تصدیق شدہ بیج اور پودے لگا ئے جائیں۔ ڈاکٹر محمد عظیم ، ڈائریکٹر جنرل این اے آر سی نے اس موقع پر خطاب کرتے ہوئے کہا کہ آدھ میلین کیلے کے وائرس فری ٹشو کلچر پودے کسانوں کو آئندہ سال فروری اور مارچ میں مہیا کیے جائیں گے۔ پلانٹ پروٹیکشن کے ڈائریکٹر جنرل ڈاکٹر مبارک نے کہا کہ زرعی سائنسدان نئے بیج اور تصدیق شدہ پودے کسانوں کو مہیا کرنے کے لیے دن رات کام میں مصروف ہیں۔ آل پاکستان فروٹ اینڈ ویجیٹیبل ایکسپورٹر ، امپورٹر ایسوسی ایشن کے نمائندہ جناب وحید احمد نے اس موقع پر کہا کہ سائنسدانوں، کسانوں اور بر آمد کنندگان کے باہمی تعاون سے ہی زراعت کے شعبے کو نئے خطوط پر استوار کیا جا سکتا ہے۔ اس موقع پر وزرات کے اعلی حکام ، برآمد اور درآمد کنندگان ، سٹیک ہولڈرز اور کونسل کے ترجمان، ڈائریکڑ تعلقات عام، جناب سردار غلام مصطفی نے بھی شرکت کی۔مزید قومی خبریں
-
الیکشن کمیشن نے ضمنی انتخابات 2024 میں عوام الناس کی سہولت کیلئے الیکشن مانیٹرنگ اینڈ کنٹرول سنٹرقائم کردیا
-
وزیراعلی خیبرپختونخوا سے ورلڈ فوڈ پروگرام کے وفد کی ملاقات،مختلف شعبوں میں صوبائی حکومت اور ورلڈ فوڈ پروگرام کے باہمی اشتراک کے دائرہ کار کو وسعت دینے پر تبادلہ خیال کیا گیا
-
قومی ، صوبائی اسمبلیوں کی 21نشستوں پرضمنی انتخابات (کل )ہونگے ،موبائل ، انٹرنیٹ سروس بند رکھنے کی سفارش
-
بانی پی ٹی آئی نے ضمنی الیکشن میں دھاندلی کو روکنے ووٹ کی حفاظت کا پیغام دیا ہے‘ علیمہ خان
-
مفکر پاکستان شاعرمشرق ڈاکٹر سر علامہ محمد اقبال کا یوم وفات 21اپریل( اتوار) کو منایا جائے گا
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.